ମୁଖ୍ୟ ପୃଷ୍ଟ। / odisha / Dhenkanal

ଢେଙ୍କାନାଳ ( ପି.ଏନ. ଏସ ) : ଢେଙ୍କାନାଳ ଦୁର୍ଗାବଜାରସ୍ଥିତ ବଡପଣ୍ଡା ସାହିରେ ମା’ତାରିଣୀଙ୍କ ଚତୁର୍ଦ୍ଦଶ ଜନ୍ମବାର୍ଷିକୀ ଉତ୍ସବ ପାଳନ ହୋଇଯାଇଛି । ପ୍ରାତଃରୁ ମଙ୍ଗଳ ଆଳତୀ, ନୀତି ପୂଜା ଓ ପରେ ସ୍ଥାନୀୟ ନୂଆପୋଖରୀ ଠାରୁ ପୂଜାର୍ଚ୍ଚନା କରାଯାଇ ଘଣ୍ଟ, ବାଦ୍ୟ ଓ ସଂକୀର୍ତନ ଦ୍ବାରା ସହର ପରିକମା କରି କଳସଯାତ୍ରା ଅନୁଷ୍ଠିତ ହୋଇଥିଲା । ସୂର୍ଯ୍ୟପୂଜା, ଗୋ-ପୂଜା, କଳସ ପୂଜା, ମଣ୍ଡଳ ପୂଜା, ଷୋଡଶ ଉପଚାର ପୂଜା ଓ ମା’ଙ୍କ ପାଖରେ ବିଭିନ୍ନ ଭୋଗ ଲାଗି କରାଯାଇଥିଲା । ଯଜ୍ଞ ସହିତ ମଧ୍ୟାହ୍ନରେ ପ୍ରସାଦସେବନ ପରେ ପୂର୍ଣାହୁତି ଓ ଆଳତୀ ଅନୁଷ୍ଠିତ ହୋଇଥିଲା । ମୁଖ୍ୟ ପୂଜକ ବିକାଶ କୁମାର ରଥ ଓ ସହଯୋଗୀ ଅଭିଷେକ ଆଚାର୍ଯ୍ୟ ଉପସ୍ଥିତ ରହି ସମସ୍ତ ପୂଜାକୁ ସମ୍ପାଦନ କରିଥିଲେ। ସଭାପତି ପ୍ରକାଶ କୁମାର ମହାନ୍ତି, ଗୋବିନ୍ଦ ସାହୁ, ଖଗ, ରାଜୁ, ସାନପୁଅ, ଟେରୁ, କାଳିଆ, ଜଗନ୍ନାଥ, ଡାଜୁନ୍, ସାପୁ, ବୁବୁନ ପ୍ରମୁଖଙ୍କ ସମେତ ବଡପଣ୍ଡା ସାହିର ମା' ଲକ୍ଷ୍ମୀ ପୂଜା ପ୍ରତିଷ୍ଠାନର ସଦସ୍ୟମାନେ ଉପସ୍ଥିତ ରହି ପୂଜାକୁ ସାଫଲ୍ୟ ମଣ୍ଡିତ କରିଥିଲେ ।