ମୁଖ୍ୟ ପୃଷ୍ଟ। / odisha / Kendrapara

କେନ୍ଦ୍ରାପଡ଼ା ( ପି.ଏନ. ଏସ ) : 11ଦଫା ଦାବି ପୂରଣ ନେଇ ଓଡିଶା ଡ୍ରାଇଭର୍ ମହାସଂଘ ପକ୍ଷରୁ କେନ୍ଦ୍ରାପଡା ଜିଲ୍ଲାରେ ରାସ୍ତାରୋକ ଆରମ୍ଭ ହୋଇଛି।କେନ୍ଦ୍ରାପଡା ସହର ଉପକଣ୍ଠ ଦୁହୁରିଆ ଠାରେ ଡ୍ରାଇଭର ମାନଙ୍କ ପକ୍ଷରୁ କଟକ ଚାନ୍ଦବାଲି ରାଜ୍ଯ ରାଜପଥ ଓ ଦୈତାରୀ ପାରାଦୀପ ଜାତୀୟ ରାଜପଥ କୁ ଅବରୋଧ କରାଯାଇଛି। ସଂଘର ହଜାର ହଜାର ସଦସ୍ୟ ରାସ୍ତା ଉପରେ ବସି ରହି ନାରାବାଜି କରିବା ସହ ନିଜର ଦାବି ପୂରଣ ନେଇ ସ୍ଲୋଗାନ୍ ଦେଉଛନ୍ତି। ଆଜି ରାଜ୍ୟବ୍ୟାପୀ ଧର୍ମଘଟ ଡାକରା ଦିଆଯିବା ପରିପ୍ରେକ୍ଷୀରେ କେନ୍ଦ୍ରାପଡା ର 10 ଗୋଟି ଡ୍ରାଇଭର ସଂଘର ହଜାର ହଜାର କର୍ମକର୍ତା ଆନ୍ଦୋଳନକୁ ଓହ୍ଲାଇଛନ୍ତି l ସୂଚନା ଯୋଗ୍ୟ ଯେ ପୂର୍ବରୁ 2021 ମସିହାରେ ସଂଘ ପକ୍ଷରୁ ରାଜ୍ୟସରକାରଙ୍କ ନିକଟରେ ଦାବି ଉପସ୍ଥାପନା ହୋଇ ଆସୁଥିଲେ ମଧ୍ୟ ପୂର୍ବ ସରକାର ଗୋଟିଏ ମାତ୍ର ଦାବି ପୂରଣ କରି ଡ୍ରାଇଭରଙ୍କ ଅନ୍ୟ ସବୁ ଦାବିକୁ ଅଣଦେଖା କରିଥିଲେ। ଏବେ ସରକାର ବଦଳିବା ପରେ ନୁଆ ସରକାର ସେମାନଙ୍କ ଅନ୍ୟ ସବୁ ଦାବି ପ୍ରତି ଗୁରୁତ୍ୱ ଦେବେ ବୋଲି ସେମାନେ ଆଶାବ୍ୟକ୍ତ କରିଛନ୍ତି।