ମୁଖ୍ୟ ପୃଷ୍ଟ। / odisha / Kendrapara

ରାଜନଗର ( ପି.ଏନ. ଏସ ) : ରାଜନଗର ବନବିଭାଗ ଟିମ୍ ଡିଲ ବେଳେ ବଜ୍ରକାପ୍ତା କାତି ଜବତ କରିବା ସହିତ 3 ଜଣଙ୍କୁ ଗିରଫ କରିଛି । ପଟ୍ଟାମୁଣ୍ଡାଇ ରୁ ତିନି ଜଣ ଙ୍କୁ ଉଠାଇ ଆଣି ରାଜନଗର ରେଞ୍ଜ ଅଫିସ ରେ ପଚରା ଉଚରା କରୁଥିବା ବେଳେ ହଠାତ ପଟ୍ଟାମୁଣ୍ଡାଇ ଆଇଆଇସି ଆସି ପହଂଚି ବନବିଭାଗ କର୍ମଚାରୀ ଙ୍କୁ ଗାଳି ଗୁଲଜ କରିଥିବା ଅଭିଯୋଗ ହୋଇଛି l ଏମିତି କି ଅଭିଯୁକ୍ତ ଙ୍କ ଆଗରେ ବନ ବିଭାଗ ଅଫିସର ଙ୍କୁ ଅପମାନିତ ହେବାକୁ ପଡିଥିବା ଜଣାପଡିଛି l ଏ ନେଇ ଖୋଦ ବନ ଖଣ୍ଡ ଅଧିକାରୀ କେନ୍ଦ୍ରାପଡ଼ା ଏସ ପି ଙ୍କୁ ଆଇଆଇସି ଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ପାଇଁ ଦାବି କରିଛନ୍ତି l ଅନ୍ୟ ପଟେ ପୋଲିସ ର ପ୍ରତିକ୍ରିୟା ମିଳି ପାରିନାହିଁ l ସୂଚନା ମୁତାବକ ବନବିଭାଗ ଓ ଏସଟିଏଫ ଟିମ୍ ମିଳିତ ଭାବେ ପଟ୍ଟାମୁଣ୍ଡାଇ ଥାନା ଅନ୍ତର୍ଗତ ନୀଳକଣ୍ଠପୁର ଗାଁରେ ଚଢ଼ାଉ କରି ବଜ୍ରକାପ୍ତା କାତି 14 ଟି ସହିତ 3 ଜଣଙ୍କୁ ଗିରଫ କରିଛନ୍ତି । 14 ଟି କାତି ପାଇଁ ଲକ୍ଷାଧିକ ଟଙ୍କା ର ଡିଲ୍ କରାଯାଉଥିଲା । ବନବିଭାଗର କର୍ମଚାରୀ ଗ୍ରାହକ ସାଜି ନେବାକୁ ପହଂଚିଥିବା ବେଳେ ପୂର୍ବରୁ ପ୍ରସ୍ତୁତ ଥିବା ଟିମ୍ 3 ଜଣଙ୍କୁ ମାଡି ବସିବା ସହିତ ବଜ୍ରକାପ୍ତା କାତି ଜବତ କରିଛି । ଏହାସହ ଦୁଇଟି ବାଇକ, ତିନୋଟି ମୋବାଇଲ ମଧ୍ୟ ଜବତ କରିଛି ବନବିଭାଗ । ତେବେ ଆସାମୀ ମାନଙ୍କୁ ଆଜି କୋର୍ଟ ଚାଲାଣ କରାଯିବ ବୋଲି ବନବିଭାଗ ସୂଚନା ଦେଇଛି । ଅନ୍ୟପଟେ ଭିତରକନିକା ଓ ସ୍ଥାନୀୟ ଜଙ୍ଗଲ ରେ ବଜ୍ରକାପ୍ତା ଦେଖାଯାନ୍ତି ନାହିଁ ତେବେ ଏଥିରେ ଆନ୍ତରାଜ୍ୟ ଲୁଟେରା ଙ୍କ ସମ୍ପୃକ୍ତି ଥିବା ସନ୍ଦେହ କରାଯାଉଛି ।
ରିପୋର୍ଟ - ହରେକୃଷ୍ଣ ବେହେରା