ନାବାଳିକା ଛାତ୍ରୀଙ୍କୁ ଟ୍ୟୁସନ ଶିକ୍ଷକଙ୍କ ଧମକ, ଶୁଣିଲାନି ପୋଲିସ ଏସପିଙ୍କ ଦ୍ୱାରସ୍ଥ ହେଲେ ଛାତ୍ରୀ ଓ ପରିବାର ।
pragyansila bureau | 31 Aug 2025 | 7 min read | 15 views
ମହାକାଳପଡ଼ା ( ପି.ଏନ. ଏସ ) : ନାବାଳିକା ଛାତ୍ରୀକୁ ଟଣାଘୋଷରା କଲେ ଟ୍ୟୁସନ ସାର, ସମ୍ପର୍କ ନରଖିଲେ ଫଟୋ ଭାଇରାଲ କରିବାକୁ ଦେଲେ ଧମକ, ଶୁଣିଲାନି ଥାନା ଏସପିଙ୍କ ଦ୍ୱାରସ୍ଥ ହେଲେ ନାବାଳିକା ଓ ପରିବାର । ମହାକାଳପଡ଼ା ତନ୍ତିଆପାଳ ମେରାଇନ। ଥାନା ଅଞ୍ଚଳରେ ଜଣେ ନାବାଳିକା ଛାତ୍ରୀକୁ ଟ୍ୟୁସନ ଶିକ୍ଷକ ଫଟୋ ଭାଇରାଲ କରିବା ସହ ଅପହରଣ ଉଦ୍ୟମ କରିଥିବା ଅଭିଯୋଗ ହୋଇଛି l ଗତ ୨ ବର୍ଷ ଧରି ଟ୍ୟୁସନ ଶିକ୍ଷକ ତାପସ ବେରି ନାବାଳିକାଙ୍କୁ ନାନା ପ୍ରକାର ନିର୍ଯ୍ୟାତନା ଦେଉଥିବା ସେ ଅଭିଯୋଗ କରିଛନ୍ତି l ତେବେ ଥାନାରେ ଅଭିଯୋଗ ପରେ ନ୍ୟାୟ ନପାଇ ପୀଡିତା ଛାତ୍ରୀ ଓ ତାଙ୍କ ପରିବାର ଆଜି କେନ୍ଦ୍ରାପଡା ଏସ୍ପିଙ୍କ ଦ୍ୱାରସ୍ଥ ହୋଇଥିଲେ l ଅଭିଯୋଗ ଅନୁଯାୟୀ ଗତ ୨୦୨୩ ମସିହାରେ ଛାତ୍ରୀ ଜଣଙ୍କ ନବମ ଶ୍ରେଣୀରେ ପଢୁଥିବା ବେଳେ ତାପସ ବେରି ତାଙ୍କୁ ଟିଉସନ୍ କରୁଥିଲେ l ଛାତ୍ରୀଙ୍କ ବାପା ମା ଘରେ ନଥିବାବେଳେ ତାପସ ଛାତ୍ରୀ ଙ୍କ ଘରକୁ ଆସି ତାଙ୍କ ସହ ଦୁଷ୍କର୍ମ କରିବା ପାଇଁ ଉଦ୍ୟମ କରି ତାର ଫଟୋ ଉଠାଇଥିଲେ l ଏ କଥା ଜାଣିବା ପରେ ଛାତ୍ରୀଙ୍କ ପରିବାର ତାଙ୍କୁ ଆଉ ଟିଉସନ୍ ପଠାଇ ନଥିଲେ l ଏବେ ଛାତ୍ରୀ ଜଣକ ଜିଲ୍ଲା ବାହାରେ ଏକ କଲେଜ ରେ ଯୁକ୍ତଦୁଇ ପ୍ରଥମ ବର୍ଷରେ ପାଠ ପଢୁଛନ୍ତି l ନିକଟରେ ଟିଉସନ୍ ଶିକ୍ଷକ ତାପସ ବେରି ଛାତ୍ରୀ ଙ୍କୁ ଫୋନ ରେ ନାନା ପ୍ରକାର ଅଶ୍ଳୀଳ ମେସେଜ୍ କରିବା ସହ ତାଙ୍କ ଫଟୋ ଭାଇରାଲ କରିଦେବାକୁ ଧମକ ଦେଉଛନ୍ତି l ଏମିତିକି ଗତ ଅଗଷ୍ଟ ୧୫ ତାରିଖ ଦିନ ତାପସ ଏକ କାର ଯୋଗେ ଛାତ୍ରୀଙ୍କୁ ଅପହରଣ କରିବା ପାଇଁ ଉଦ୍ୟମ କରିଥିବା ଛାତ୍ରୀଙ୍କ ପରିବାର ଅଭିଯୋଗ କରିଛନ୍ତି l ପୋଲିସ ର ନିଷ୍କ୍ରିୟତା ଓ ଅଭିଯୋଗ କାରିଣୀ ଙ୍କୁ ଡକାଇ ଏତଲା ବଦଳାଇବା ଘଟଣାର ପ୍ରତିବାଦ କରିବା ସହ ଅଭିଯୁକ୍ତ ଟିଉସନ୍ ଶିକ୍ଷକ ଙ୍କୁ ଗିରଫ କରିବା ପାଇଁ ପୀଡ଼ିତାଙ୍କ ପରିବାର ଏସ୍ପି ଙ୍କୁ ନିବେଦନ କରିଛନ୍ତି l
