ଶିଶୁପୁତ୍ରକୁ ଧରି ଶାଶୁଘର ଆଗରେ ଧାରଣା ଦେଲେ ମହିଳା ।
pragyansila bureau | 22 Aug 2025 | 5 min read | 14 views
ରାଜନଗର ( ପି.ଏନ. ଏସ ) : ସ୍ୱାମୀର ପରକୀୟା ପ୍ରୀତି ସ୍ତ୍ରୀ ଓ ପୁଅ ପାଇଁ ସାଜିଲା ଅଡୁଆ, ଶିଶୁ ପୁତ୍ରକୁ ଧରି ଶାଶୁଘର ଆଗରେ ଧାରଣାରେ ବସିଲା ସ୍ତ୍ରୀ | ରାଜନଗର ବ୍ଲକ ବାହାରଗଡ଼ ଗ୍ରାମରେ ଜଣେ ମହିଳା ତାଙ୍କ ଶିଶୁ ପୁତ୍ରଙ୍କୁ ଧରି ନିଜ ଶାଶୁଘର ଆଗରେ ଧାରଣାରେ ବସିଥିବା ଦେଖିବାକୁ ମିଳିଛି । ବୁଧବାର ପ୍ରାୟ ମଧ୍ୟାହ୍ନ ୨ ଟା ସମୟରୁ ଏବେ ପଯ୍ୟନ୍ତ ପୁଅକୁ ଧରି ମହିଳା ଜଣକ ଧାରଣାରେ ବସି ରହିଛନ୍ତି । ମହିଳାଙ୍କୁ ପଚାରିବାରୁ ସେ କହୁଛନ୍ତି ଆମ ସ୍ୱାମୀ ସ୍ତ୍ରୀ ଙ୍କ କଳି କୋର୍ଟରେ ପହଞ୍ଚିଥିଲା । ମୋ ସ୍ୱାମୀ ଆମେ ମିଳିମିଶି ରହିବୁ ବୋଲି ସେଠାରେ କହି ମୋତେ ନେଇ ଆସିଥିଲେ । ମାତ୍ର ଦିନ କେତେଟା ଗଲା ପରେ ମୋତେ ମାରଧର କରିଥିଲେ । ମୋ ସ୍ୱାମୀ ଅନ୍ୟ ଜଣେ ଯୁବତୀକୁ ଭଲ ପାଉଛନ୍ତି । ସେ ଯୁବତୀ ମଧ୍ୟ୍ୟ ମୋତେ ଫୋନ ମାଧ୍ୟମରେ କହିଛି କି ତୁ ଯା, ମୁ ତୋ ଜାଗାରେ ରହିବି । ତେଣୁ ମୋ ସ୍ୱାମୀର ପରକ୍ରିୟା ପ୍ରୀତି ଯୋଗୁଁ ସେ ମୋତେ ଘରେ ପୁରେଇ ଦେଉନାହାନ୍ତି । ମୁ ମୋ ପୁଅକୁ ଧରି ବାହାରେ ବୁଲୁଚି । ମୋ କଥା ଛାଡ଼ ମୋ ପୁଅ ତା ବାପ ପରିଚୟ ଖୋଜୁଛି । ସେଥିପାଇଁ ମୁ ଏଠାରେ ବସି ରହିଛି । ମୁ ମୋ ସ୍ୱାମୀଙ୍କ ସାଙ୍ଗରେ ଓ ମୋ ପୁଅ ତା ବାପା ସାଙ୍ଗରେ ରହିବାକୁ ଚାହୁଁଚି । ଏହି ନ୍ୟାୟ ଦାବି କରି ମୁ ମୋ ଶାଶୁଘର ଆଗରେ ଧାରଣାରେ ବସିଛି । ଯେପଯ୍ୟନ୍ତ ମୋତେ ନ୍ୟାୟ ନ ମିଳିଛି ଏଠାରୁ ଉଠିବି ନାହିଁ ବୋଲି ମହିଳା ଜଣକ କହିଛନ୍ତି ।
