ଯୁବକଙ୍କୁ ହତ୍ୟା ଅଭିଯୋଗ, ଥାନା ଆଗରେ ଶବ ରଖି ନ୍ୟାୟ ମାଗିଲେ ପରିବାର ।
pragyansila bureau | 21 Aug 2025 | 4 min read | 8 views
କେନ୍ଦ୍ରାପଡ଼ା ( ପି.ଏନ. ଏସ ) : କେନ୍ଦ୍ରାପଡ଼ାରେ ଯୁବକଙ୍କୁ ନିର୍ମମ ହତ୍ୟା ଅଭିଯୋଗ । ମୃତ୍ୟୁ ପରେ ଶବ କୁ ଥାନା ଆଗରେ ରଖି ନ୍ୟାୟ ମାଗିଲେ ପରିବାର । ମୃତକ ହେଲେ କେନ୍ଦ୍ରାପଡା ଜିଲ୍ଲା ନିକିରାଇ ଥାନା ଅନ୍ତର୍ଗତ ଘୁଷୁରିଆମାଳ ଗ୍ରାମର ନୃସିଂହ ଚରଣ ସେଠି । ଅଭିଯୋଗ ଅନୁଯାୟୀ ଦୀର୍ଘ ଦିନ ହେବ ନୃସିଂହ ଙ୍କ ସହ ତାଙ୍କ ପଡୋଶୀ ଙ୍କ ଜମିଜମା ବିବାଦ ଲାଗିରହିଥିଲା । ଗତ ଚାରିଦିନ ପୂର୍ବରୁ ଜନ୍ମାଷ୍ଟମୀ ଦିନ ନୃସିଂହ ଘରୁ କାମକୁ ବାହାରୁଥିବା ବେଳେ ଧିରେନ ସେଠି ଏବଂ ତାଙ୍କ ସହଯୋଗୀ ମାନେ ନୃସିଂହଙ୍କୁ ଆକ୍ରମଣ କରିବା ସହ ଲୁହା ରଡ଼ ରେ ପିଟି ତାଙ୍କ ଉପରେ ଲଙ୍କା ଗୁଣ୍ଡ ପାଣି ପକାଇ ଦେଇଥିବାର ଅଭିଯୋଗ କରିଛନ୍ତି ନୃସିଂହ ଙ୍କ ସ୍ତ୍ରୀ । ପରେ ଗୁରୁତର ଅବସ୍ଥାରେ କଟକ ବଡ଼ ମେଡିକାଲ ରେ ଚିକିତ୍ସିତ ଅବସ୍ଥାରେ ନୃସିଂହ ଙ୍କ ମୃତ୍ୟୁ ହୋଇଥିଲା । ନୃସିଂହ ଙ୍କୁ ପିଟି ପିଟି ମାରିଦେଇଥିବାର ଘର ଲୋକ ଅଭିଯୋଗ କରିଥିବା ବେଳେ ନିକିରାଇ ଥାନା ସମ୍ମୁଖରେ ଶବ ରଖି ଧାରଣା ଦେଇଛନ୍ତି ମୃତକଙ୍କ ପରିବାର। ଘଟଣା ସ୍ଥଳରେ ବ୍ୟାପକ ପୋଲିସ ମୃତୟନ କରାଯାଇଛି ।
