ମୁଖ୍ୟ ପୃଷ୍ଟ। / odisha / jagatsinghpur

ଜଗତସିଂହପୁର ( ପି.ଏନ. ଏସ ) : ଜଗତସିଂହପୁର ନିର୍ବାଚନ ମଣ୍ଡଳୀ ଭାରତୀୟ ଜନତା ପାର୍ଟି ପକ୍ଷରୁ ବନ୍ଦେ ମାତରମ୍ ୧୫୦ ବର୍ଷ ଉତ୍ସବ ପାଳିତ ହୋଇଯାଇଛି ।ଏହି ଅବସରରେ ସ୍ଥାନୀୟ କଲେଜ ଛକ ନିକଟରୁ ବିଧାୟକ ଅମରେନ୍ଦ୍ର ଦାସ ଙ୍କ ନେତୃତ୍ୱରେ ଏକ ଶୋଭାଯାତ୍ରା ବାହାରି ସହର ପରିକ୍ରମା କରିଥିଲା ।ଏହି ଶୋଭାଯାତ୍ରାରେ ୫ ହଜାରରୁ ଉର୍ଦ୍ଧ୍ବ ମହିଳା, ପୁରୁଷ, ଯୁବ, ଛାତ୍ର ଓ ବରିଷ୍ଠ ନାଗରିକ ମାନେ ଯୋଗ ଦେଇଥିଲେ। ବନ୍ଦେ ମାତାରମ ଧ୍ବନିରେ ପ୍ରକମ୍ପିତ ହୋଇଥିଲା ସାରା ସହର। ପରେ ସ୍ଥାନୀୟ ସାରଦା ମଣ୍ଡପ ପରିସରରେ ଏକ ସଭା ଅନୁଷ୍ଟିତ ହୋଇଥିଲା । ଏହି ସଭାରେ ସମସ୍ତେ ଏକତ୍ରିତ ହୋଇ ବନ୍ଦେ ମାତାରମ୍ ସଙ୍ଗୀତ ଗାନ କରିଥିଲେ। ପରେ ବିଜେପି ଜିଲ୍ଲା ଉପସଭାପତି ସୌଭାଗ୍ୟ ମହାନ୍ତିଙ୍କ ସଭାପତିତ୍ବରେ ଅନୁଷ୍ଟିତ ସଭାରେ ମୁଖ୍ୟ ଅତିଥି ଭାବରେ ବିଧାୟକ ଅମରେନ୍ଦ୍ର ଦାସ ଯୋଗ ଦେଇଥିଲେ। ଅନ୍ୟ ମାନଙ୍କ ମଧ୍ୟରେ ପୂର୍ବତନ ଜିଲ୍ଲା ବିଜେପି ସଭାପତି ଉପେନ୍ଦ୍ର ବିଶ୍ବାଳ, ପୂର୍ବତନ ଜିଲ୍ଲାପରିଷଦ ଅଧ୍ୟକ୍ଷ ଦେବିଦତ୍ତ ମହାନ୍ତି, ପୂର୍ବତନ ଜଗତସିଂହପୁର ବ୍ଲକ୍ ଅଧ୍ୟକ୍ଷ ପ୍ରସନ୍ନ ସ୍ଵାଇଁ, ବରିଷ୍ଟ ବିଜେପି ନେତା ଶ୍ରୀକାନ୍ତ ଚୌଧୁରୀ, ଅକ୍ଷୟ କୁମାର ପାତ୍ର, ଜଗନ୍ନାଥ ଦାସ, ଲକ୍ଷ୍ମୀକାନ୍ତ ସ୍ଵାଇଁ ପ୍ରମୁଖ ଯୋଗଦେଇ ବନ୍ଦେ ମାତରମ ଗୀତଟି ଜାତୀୟ ସଙ୍ଗୀତ ଭାବରେ ନିଜର ସୋତନ୍ତ୍ରତା ସୃଷ୍ଟି କରିଥିବା ବେଳେ ଏବେ ଏହା ଏକ ସ୍ଲୋଗାନ ରେ ପରିଣତ ହୋଇଛି । ବନ୍ଦେ ମାତରମ ଗୀତ ଟି ବାଜିଲା କ୍ଷଣି ସମସ୍ତ ଭାରତୀୟଙ୍କ ମନରେ ସିହରଣ ଖେଲିଯାଏ । ଏହି ସଙ୍ଗୀତକୁ ସମ୍ମାନ ଜଣାଇ ଆଜି ଜାତି, ଧର୍ମ, ବର୍ଣ୍ଣ ନିର୍ବିଶେଷରେ ସମସ୍ତେ ହାତରେ ତ୍ରିରଙ୍ଗା ଧରି ବନ୍ଦେ ମାତରମ , ଭାରତ ମାତାକି ଜୟ ସ୍ଲୋଗାନ ଦେଇ ସହର ପରିକ୍ରମା କରିଥିଲେ ।