ମୁଖ୍ୟ ପୃଷ୍ଟ। / odisha / jagatsinghpur

ପାରାଦ୍ୱୀପ ( ପି.ଏନ. ଏସ ) : ରବିବାର ଦିନ ପାରାଦ୍ଵୀପ ପୋର୍ଟ ଗଲ୍ଫ ପଡିଆରେ ସଫଳତାର ସହ ଆୟୋଜିତ ହୋଇଯାଇଛି l ଏହି ଟୁର୍ଣ୍ଣାମେଣ୍ଟରେ ଗଲ୍ଫ ପ୍ରେମୀଙ୍କ ଉତ୍ସାହୀ ଅଂଶଗ୍ରହଣ ଦେଖିବାକୁ ମିଳିଥିଲା ଏବଂ ଏହାକୁ ଅତ୍ୟନ୍ତ ପ୍ରତିଯୋଗିତାମୂଳକ ଓ ଆକର୍ଷଣୀୟ କରିଥିଲା । ଏହି ଅବସରରେ ପାରାଦୀପ ବନ୍ଦର ପ୍ରାଧିକରଣ ଉପାଧ୍ୟକ୍ଷ ଟି.ଭେଣୁ ଗୋପାଳ ମୁଖ୍ୟ ଅତିଥି ଭାବରେ ଯୋଗଦେଇ ଏହି ଟୁର୍ଣ୍ଣାମେଣ୍ଟ କୁ ଉଦଘାଟନ କରିଥିଲେ ଏବଂ ପରେ ବିଜେତାମାନଙ୍କୁ ପୁରସ୍କାର ବଣ୍ଟନ କରିଥିଲେ । ଏହି ପ୍ରତିଯୋଗିତାରେ ମୋଟ ୩୫ ଜଣ ଗଲ୍ଫ ଖେଳାଳି ବିଭିନ୍ନ ହ୍ୟାଣ୍ଡିକେପ୍ ବର୍ଗରେ ଅଂଶଗ୍ରହଣ କରିଥିଲେ, ଏବଂ ପ୍ରତିଯୋଗିତାରେ ଉତ୍କୃଷ୍ଟ ଦକ୍ଷତା ଏବଂ କ୍ରୀଡା ମନୋଭାବ ପ୍ରଦର୍ଶନ କରିଥିଲେ
ହ୍ୟାଣ୍ଡିକ୍ୟାପ୍ ୦-୧୯ ବର୍ଗରେ, ହରିହର ଦାଶ ଟୁର୍ଣ୍ଣାମେଣ୍ଟର ଚମ୍ପିଅନ୍ ହୋଇଥିଲେ । ଅକ୍ଷୟ ଚନ୍ଦ୍ର ସୂତାର ସର୍ବୋତ୍ତମ ଗ୍ରସ୍ ପୁରସ୍କାର ହାସଲ କରିଥିଲେ ଏବଂ ଦୀପକ କୁମାର ଷଢଙ୍ଗୀ ରନର୍ସ-ଅପ୍ ହୋଇଥିଲେ । ହ୍ୟାଣ୍ଡିକ୍ୟାପ୍ ୨୦-୨୩ ବର୍ଗରେ, ସୁବାଷ ଆଚାର୍ଯ୍ୟ ବିଜୟୀ ହୋଇଥିବା ବେଳେ ମାନସ ରଞ୍ଜନ ସ୍ୱାଇଁ ରନର୍ସ-ଅପ୍ ହୋଇଥିଲେ । ହ୍ୟାଣ୍ଡିକ୍ୟାପ୍ ୨୪ ବର୍ଗରେ, ପାରାଦୀପ ଗଲ୍ଫ କ୍ଲବର ସଭାପତି ଏସ.ସି.ନାହାକ ବିଜେତା ହୋଇଥିଲେ। ଖେଳରେ ଆଶାଜନକ ପ୍ରଦର୍ଶନ ଏବଂ ଉନ୍ନତି ପାଇଁ ଅଶୋକ କୁମାର ସାହୁଙ୍କୁ "ଇମର୍ଜେଣ୍ଟ ଗଲ୍ଫର - ୨୦୨୬" ଉପାଧି ପ୍ରଦାନ କରାଯାଇଥିଲା ।
ସେହିପରି, ମହିଳା ପୁଟିଂ ପ୍ରତିଯୋଗିତାରେ, ଶ୍ରୀମତୀ ମଧୁମିତା ସେଠି ବିଜେତା ହୋଇଥିବା ବେଳେ ଶ୍ରୀମତୀ ସୋନାଲି ଗୋପ ପ୍ରଥମ ରନର୍ସ-ଅପ୍ ଏବଂ ଶ୍ରୀମତୀ ସବିତା ଷଢଙ୍ଗୀ ଦ୍ୱିତୀୟ ରନର୍ସ-ଅପ୍ ହୋଇଥିଲେ ।
ଏହି ଟୁର୍ଣ୍ଣାମେଣ୍ଟ କ୍ଲବର ସଭାପତି ଏସ.ସି.ନାହାକ, କାର୍ଯ୍ୟକାରୀ ସଭାପତି ଡା.ଡି.ପି.ସେଠି ଏବଂ ପାରାଦୀପ ଗଲ୍ଫ କ୍ଲବର କ୍ୟାପ୍ଟେନ ଅକ୍ଷୟ ଚନ୍ଦ୍ର ସୁତାରଙ୍କ ନେତୃତ୍ୱ ଏବଂ ସଦସ୍ୟମାନଙ୍କ ସକ୍ରିୟ ସହଯୋଗ ସଫଳତାର ସହ ଆୟୋଜିତ ହୋଇଥିଲା ।