ମୁଖ୍ୟ ପୃଷ୍ଟ। / odisha / jagatsinghpur

ପାରାଦ୍ୱୀପ ( ପି.ଏନ. ଏସ ) : ପାରାଦୀପ ପୋର୍ଟ ଡି.ଏ.ଭି. ପବ୍ଲିକ୍ ସ୍କୁଲ ପକ୍ଷରୁ ଶୁକ୍ରବାର ଦିନ ଶିଶୁ ଦିବସ ପାଳିତ ହେବା ସହ ଏହି ଅବସରରେ ଏକ ଖାଦ୍ୟ ମେଳା ଆୟୋଜିତ ହୋଇଯାଇଛି l ବିଦ୍ୟାଳୟକୁ ରଙ୍ଗୀନ ବେଲୁନ୍ ଏବଂ ପୁଷ୍ପମାଲ୍ୟରେ ସୁନ୍ଦର ଭାବରେ ସଜାଯାଇଥିଲା ଯାହା ପରିବେଶକୁ ବେସ ଆକର୍ଷଣୀୟ କରୁଥିଲା l ସ୍କୁଲର ଅଧ୍ୟକ୍ଷା ଶ୍ରୀମତୀ ବିନ୍ଦୁଶ୍ରୀ ମହାନ୍ତି ଅତିଥି ମାନଙ୍କୁ ଆୟୋଜିତ ଉତ୍ସବରେ ପୁଷ୍ପଗୁଚ୍ଛ ପ୍ରଦାନ କରି ଅଭ୍ୟର୍ଥନା କରିଥିଲେ | ଅନେକ ବିଶିଷ୍ଟ ବ୍ୟକ୍ତି ବିଶେଷ, ଅଭିଭାବକ ଏବଂ ଛାତ୍ରଛାତ୍ରୀ ଏହି ଉତ୍ସବରେ ଯୋଗ ଦେଇଥିଲେ | ଗୋଷ୍ଠୀ ନୃତ୍ୟ, ଏକକ ଗୀତ, ବକ୍ତବ୍ୟ, ଅତିଥିମାନଙ୍କ ପ୍ରେରଣାଦାୟୀ ଶବ୍ଦ ଏବଂ ବିଦ୍ୟାଳୟର ଅଧ୍ୟକ୍ଷା ଶ୍ରୀମତୀ ମହାନ୍ତିଙ୍କ ପ୍ରେରଣାଦାୟକ ସମସ୍ତଙ୍କୁ ଉତ୍ସାହିତ କରିଥିଲା ଓ ଆନନ୍ଦିତ କରିଥିଲା | ଖାଦ୍ୟ ମେଳାରେ ବିଭିନ୍ନ ଶ୍ରେଣୀର ଛାତ୍ରଛାତ୍ରୀମାନେ ବିଭିନ୍ନ ପ୍ରକାରର ନୂତନ ଓ ସ୍ଵାଦିଷ୍ଟ ଖାଦ୍ୟ ପ୍ରସ୍ତୁତ କରି ଆଣିଥିଲେ । ବିଦ୍ୟାର୍ଥୀ ମାନଙ୍କୁ ସେମାନଙ୍କର ସମନ୍ୱିତ ବିକାଶ ପାଇଁ ପୋଷଣ ତଥା ପୃଷ୍ଠପୋଷକତା ପାଇଁ ସେମାନଙ୍କର ଅସାଧାରଣ ଅବଦାନ ଏବଂ କୃତିତ୍ଵ ପାଇଁ ପୁରସ୍କୃତ କରାଯାଇଥିଲା | ଶେଷରେ ଶିକ୍ଷୟିତ୍ରୀ ଶ୍ରୀମତୀ ଶୁଭସ୍ମିତା ପଣ୍ଡାଙ୍କ ଧନ୍ୟବାଦ ସହିତ କାର୍ଯ୍ୟକ୍ରମଟି ଶେଷ ହୋଇଥିଲା l