ଶେଷରେ ଧର୍ମ ସ୍ଥାନକୁ ଛାଡିଲେ ନାହିଁ ଦୃବୁର୍ତ୍ତ ଲୁଟିନେଲେ ଲକ୍ଷାଧିକ ଟଙ୍କାର ଅଳଙ୍କାର ।
Alok Kumar Mohapatra | 14 Nov 2025 | 8 min read | 4 views
ପାରାଦ୍ୱୀପ ( ପି.ଏନ. ଏସ ) : ଶେଷରେ ଧର୍ମସ୍ଥଳୀ କୁ ଛାଡିଲେ ନାହିଁ ଚୋର,ମନ୍ଦିରରୁ କଳାକନା ବୁଲାଇଲେ ଅଜଣା ଦୃର୍ବୁତ୍ତ ଲୁଟିନେଲେ ଦାନହୁଣ୍ଡି ସମେତ ଲକ୍ଷ ଲକ୍ଷ ଟଙ୍କାର ଅଳଙ୍କାର l ମନ୍ଦିର କମିଟି ତରଫରୁ ପାରାଦ୍ଵୀପ ଆଦର୍ଶ ଥାନାରେ ଅଭିଯୋଗ ପରେ ଘଟଣା ସ୍ଥଳରେ ପୋଲିସ ପହଞ୍ଚି ଆରମ୍ଭ କରିଛି ତଦନ୍ତ l ଏହିଭଳି ଘଟଣା ଘଟିଛି ପାରାଦ୍ଵୀପ ବୃନ୍ଦାବନ କଲୋନୀ ର ସର୍ବପୁରାତନ ଧର୍ମପୀଠ ଗୋପାଳଜୀୟୁ ମନ୍ଦିରରେ l ସକାଳୁ ମନ୍ଦିର ର ନୀତିକାନ୍ତି କରିବାକୁ ପୂଜକ ଆସିବା ବେଳକୁ ମନ୍ଦିରର ୩ଟି କବାଟ ତଡାଯାଇଥିବା ଦେଖିବାକୁ ପାଇଥିଲେ l ତୁରନ୍ତ ମନ୍ଦିର କମିଟି ର ସଦସ୍ୟ ମାନଙ୍କୁ ଫୋନ ଯୋଗେ ଜଣାଇଥିଲେ ପୂଜକ l କମିଟି ସଦସ୍ୟ ମାନେ ପହଞ୍ଚିଵା ପରେ ମନ୍ଦିରରୁ ସମଗ୍ର ଅଳଙ୍କାର ସହିତ ଦାନବାକ୍ସ ତାଡି ଲୁଟ ହୋଇଥିବା ଦେଖିବା ପରେ ପାରାଦ୍ଵୀପ ଆଦର୍ଶ ଥାନାରେ ଅଭଯୋଗ କରିଥିଲେ l ଆଦର୍ଶ ଥାନା ଅଧିକାରୀ ଙ୍କ ସହିତ ପୋଲିସ ମନ୍ଦିରରେ ପହଞ୍ଚି ସ୍ଥିତି ଅନୁଧ୍ୟାନ କରିବା ସହିତ ଯଥା ଶୀଘ୍ର ଘଟଣାର ଯାଞ୍ଚ କରି ଚୋର ମାନଙ୍କୁ ଧରିବାକୁ ପ୍ରତିଶୃତି ଦେଇଛନ୍ତି l ମନ୍ଦିର ଭଳି ଧର୍ମାନୁଷ୍ଠାନ ରୁ ଚୋରି ଘଟଣାକୁ ସହଜରେ ଗ୍ରହଣ କରିପାରିନାହାନ୍ତି ଶ୍ରଦ୍ଧାଳୁ l ଯଥାଶୀଘ୍ର ଆଦର୍ଶ ଥାନା ପୋଲିସ ତଦନ୍ତ କୁ ତ୍ୱରାନ୍ୱିତ କରି ଘଟଣାରେ ସାମିଲ ଚୋର ମାନଙ୍କୁ ଧରିବାକୁ ମନ୍ଦିର କମିଟି ତରଫରୁ ନିବେଦନ କରାଯାଇଛି l ମନ୍ଦିର ରୁ ଚୋରି ଘଟଣା କୁ ନେଇ ପୋଲିସ ର ତଦନ୍ତ ଜାରି ରହିଥିବାରୁ ଠାକୁର ଙ୍କ ନୀତିକାନ୍ତି କରାଯାଇନାହିଁ l ପୋଲିସ ର ତଦନ୍ତ ପରେ ସମସ୍ତ ଠାକୁର ଙ୍କ ନୀତିକାନ୍ତି କରାଯିବା ନେଇ କହିଛନ୍ତି ପୂଜକ l ତେବେ ପାରାଦ୍ଵୀପ ଓ ଏହାର ପାରିପାର୍ଶ୍ଵିକ ଅଞ୍ଚଳରେ ନିଶା ସେବନକାରୀ ଙ୍କ ସଂଖ୍ୟା ବୃଦ୍ଧି ପାଇବା ଚିନ୍ତାର ବିଷୟ ହୋଇପଡିଥିବା ବେଳେ ନିଶା ପାଇଁ ଏପରି ଚୋରି ହୋଇଥିବା ଅନୁମାନ କରାଯାଏ l ଅନ୍ୟପକ୍ଷରେ ପୋଲିସ କର୍ମଚାରୀଙ୍କ ଅଭାବ ଏବଂ ଏଥିପାଇଁ ସ୍ପର୍ଶକାତର ବନ୍ଦର ଓ ଶିଳ୍ପ ସହରରେ ପୋଲିସ ର କଡ଼ା ପାଟ୍ରୋଲିଙ୍ଗ ବ୍ୟବସ୍ଥା ଅଭାବ ଯୋଗୁଁ ବିଭିନ୍ନ ଅଭାବନୀୟ ଘଟଣା ବୃଦ୍ଧି ପାଉଛି ବୋଲି ସାଧାରଣରେ ଚର୍ଚ୍ଚା ହେଉଛି l
