ମୁଖ୍ୟ ପୃଷ୍ଟ। / odisha / jagatsinghpur

ପାରାଦ୍ୱୀପ ( ପି.ଏନ. ଏସ ) : ପାରାଦୀପ କଲେଜ ଏନସିସି ଏଲୁମୁନି ଅସୋସିଏସନ୍ ସମାଜ ସେବା ଓ ସଚେତନତା କାର୍ଯ୍ୟକ୍ରମରେ ଉଲ୍ଲେଖନୀୟ ଅବଦାନ ପାଇଁ ବାଲିଯାତ୍ରା ମହୋତ୍ସବରେ ସମ୍ମାନିତ ହୋଇଛନ୍ତି। ଏହି ମହୋତ୍ସବ ସମୟରେ ଏନସିସି ଏବଂ ଏନସିସି ଆଲୁମୁନି ଅସୋସିଏସନ ପକ୍ଷରୁ “ଡ୍ରଗ୍ସ ବିରୋଧୀ ଅଭିଯାନ”, “ସଡକ ସୁରକ୍ଷା ସଚେତନତା”, “ସାଇବର ସୁରକ୍ଷା ସଚେତନତା” ଓ “ଭିଜିଲାନ୍ସ ସଚେତନତା” ଭଳି ବିଭିନ୍ନ କାର୍ଯ୍ୟକ୍ରମ ଆୟୋଜିତ କରିଆସୁଛନ୍ତି ଓ ସରକାରୀ ଯୋଜନାଗୁଡ଼ିକୁ ଲୋକଙ୍କ ମଧ୍ୟରେ ପହଞ୍ଚାଇବାରେ ମହତ୍ତ୍ୱପୂର୍ଣ୍ଣ ଭୂମିକା ଗ୍ରହଣ କରିଆସୁଛନ୍ତି।
ଏହି ଅନୁଷ୍ଠାନ ନିରନ୍ତର ସମାଜ ସେବା, ବୃକ୍ଷରୋପଣ, ରକ୍ତଦାନ ଶିବିର, ଗ୍ରୀଷ୍ମକାଳରେ ଦହି-ପାଣି ବଣ୍ଟନ ଏବଂ ପ୍ରତି ରବିବାର ସମୁଦ୍ରତଟ ସଫେଇ ଅଭିଯାନ ନିୟମିତ ବ୍ୟବଧାନରେ କରିଆସୁଛି ଯାହା ଏହି ସଂଗଠନକୁ ଅଞ୍ଚଳରେ ସମ୍ମାନ ଓ ଖ୍ୟାତି ଆଣି ଦେଇଛି।
ସଭାପତି ଅମ୍ବିକା ପ୍ରସାଦ ମହାପାତ୍ର କୃତଜ୍ଞତା ବ୍ୟକ୍ତ କରି କହିଛନ୍ତି ଯେ, ଏହି ସମ୍ମାନ ଆମର ସମସ୍ତ କ୍ୟାଡେଟ ଓ ଆଲୁମୁନି ସଦସ୍ୟଙ୍କୁ ଆଗାମୀ ଦିନରେ ଅଧିକରୁ ଅଧିକ ସମାଜସେବା କରିବା ପାଇଁ ପ୍ରେରିତ କରିବ । ସେ ବାଲିଯାତ୍ରା ମହୋତ୍ସବ କମିଟିର ଅଧ୍ୟକ୍ଷ ଓ ଜଗତସିଂହପୁର ଜିଲ୍ଲାପାଳ ଜେ.ସୋନାଲ, ଉପାଧ୍ୟକ୍ଷ ପାରାଦୀପ ଏ.ଡି.ଏମ. ନିରଞ୍ଜନ ବେହେରା ଏବଂ ପାରାଦୀପ ପୌରପାଳିକା କାର୍ଯ୍ୟନିର୍ବାହୀ ଅଧିକାରୀ ଅଭିଷେକ ପଣ୍ଡାଙ୍କୁ ଧନ୍ୟବାଦ ଜଣାଇଛନ୍ତି ଏବଂ ଆସନ୍ତା ୨୧ ନଭେମ୍ବର ରେ ପାରାଦୀପ କଲେଜ ରେ "ସ୍ବେଛାକୃତ ରକ୍ତଦାନ" ଶିବିର ପାଇଁ ଆମନ୍ତ୍ରଣ କରିଛନ୍ତି l