ନାଉଗାଁ ବ୍ଲକ ବିଡ଼ିଓ ଙ୍କ ବିରୁଦ୍ଧରେ ବ୍ଲକ ସମ୍ମୁଖରେ ଧାରଣାଦେଲେ ପଞ୍ଚାୟତ ପ୍ରତିନିଧି ।
pragyansila bureau | 23 Oct 2025 | 6 min read | 3 views
ନାଉଗାଁ ( ପି.ଏନ. ଏସ ) : ଶୁଣିଲେନି ବିଡ଼ିଓ ଧାରଣା ରେ ବସି ରହିଲେ ଜନ ପ୍ରତିନିଧି l ଏପରି ଦୃଶ୍ୟ ଦେଖିବାକୁ ମିଳିଛି ଜଗତସିଂହପୁର ଜିଲ୍ଲା ନାଉଗାଁ ବ୍ଳକରେ । ଏହି ବ୍ଳକ ର ବିଭିନ୍ନ ପଞ୍ଚାୟତ ରେ ଉନ୍ନୟନ ମୂଳକ କାର୍ଯ୍ୟ ଠପ୍ ହୋଇ ପଡ଼ିଥିବା ଓ ବିଡ଼ିଓ ଙ୍କ ମନମୁଖୀ କାର୍ଯ୍ୟ କୁ ନେଇ ବ୍ଳକ ସମ୍ମୁଖରେ ଧାରଣାରତ ଅଛନ୍ତି ନାଉଗାଁ ବ୍ଳକ ର 16 ଟି ପଞ୍ଚାୟତ ର ଜନ ପ୍ରତିନିଧି ମାନେ l ଅପରପକ୍ଷେ ନାଉଗାଁ ବ୍ଲକର ପଞ୍ଚାୟତ ପ୍ରତିନିଧି ମାନେ ବିଭିନ୍ନ 10 ଦଫା ଦାବିକୁ ନେଇ ଗତ 13 ତାରିଖ ଦିନ ଆଗାମୀ 7 ଦିନ ମଧ୍ୟରେ ଦାବୀ ଗୁଡିକୁ ସମାଧାନ କରିବା ପାଇଁ ବିଡ଼ିଓ କୁ ପ୍ରତିନିଧି ମାନେ ଦାବିପତ୍ର ପ୍ରଦାନ କରିଥିଲେ l କିନ୍ତୁ 7 ଦିନ ବିତି ଯାଇଥିଲେ ମଧ୍ୟ ଦାବୀ ଗୁଡିକ ର କୌଣସି ସୁଫଳ ନମିଳବାରୁ ଆଜି ଜନ ପ୍ରତିନିଧି ମାନେ ନାଉଗାଁ ବ୍ଳକ ସମ୍ମୁଖରେ ପିଆରଆଇ ସଙ୍ଘ ସଭାପତି ଶ୍ରୀ ଦୋଳ ଗୋବିନ୍ଦ ରାଉଳ ଓ ସମ୍ପାଦକ ଦିଲ୍ଲୀପ ନାୟକ ଙ୍କ ନେତୃତ୍ୱ ରେ ଧାରଣାରେ ବସିଛନ୍ତି ।ବିଭିନ୍ନ ପଞ୍ଚାୟତର ଜନପ୍ରତିନିଧି ମାନେ 10 ଦଫା ଦାବୀ ମୁଖ୍ୟତଃ,ବିଭିନ୍ନ ପଞ୍ଚାୟତରେ ପଡ଼ିରହିଥିବା GIA ପ୍ରକଳ୍ପ ଗୁଡ଼ିକୁ ତତ୍କାଳ କାର୍ଯ୍ୟାଦେଶ ଜାରି କରିବା, ପଞ୍ଚାୟତ ସମିତି ସଭ୍ୟମାନଙ୍କ ହାତପାଣ୍ଠି କୁ ଖର୍ଚ୍ଚ ହେଉଥିବା ବିଳମ୍ବ, ଅନ୍ତ୍ୟୋଦୟ ଗୃହ ଯୋଜନାରେ ଅନୀୟମିତତା ଭଳି ଦାବୀ ଗୁଡିକୁ ନେଇ ନାଉଗାଁ ବ୍ଳକ କାର୍ଯ୍ୟାଳୟ ସମ୍ମୁଖରେ ଧାରଣା ଦେଇଛନ୍ତି ପଞ୍ଚାୟତର ଜନ ପ୍ରତିନିଧି ମାନେ l ଅନ୍ୟପଟେ ଧାରଣାରତ ଥିବା ଜନ ପ୍ରତିନିଧି ମାନଙ୍କ ନିକଟରେ ଏପର୍ଯ୍ୟନ୍ତ କୌଣସି ପ୍ରଶାସନିକ ଅଧିକାରୀ ପହଂଚି ନଥିବା ଜଣାପଡିଛି l
