ଡେଲାଙ୍ଗରେ ତିନୋଟି ପ୍ରକଳ୍ପର ଶୁଭ ଦେଲେ ବିଧାୟକ ।
pragyansila bureau | 27 Nov 2025 | 5 min read | 18 views
ଡେଲାଙ୍ଗ ( ପି.ଏନ. ଏସ ) : ପୁରୀ ଜିଲ୍ଲା ଡେଲାଙ୍ଗ ବ୍ଲକର ବହୁ ପୁରାତ୍ତନ ସମସ୍ୟା ସମାଧାନ ପାଇଁ ମୂଳଦୁଆ ପକାଇଲେ ସ୍ଥାନୀୟ ବିଧାୟକ ଆଶ୍ରିତ ପଟ୍ଟନାୟକ । ଧାନକେରା ପଞ୍ଚାୟତର ବାରପୋଲିଆ ଠାରେ ଜଳସେଚନ ବିଭାଗ 2 କିଲୋମିଟର ରାସ୍ତା ମରାମତି ପାଇଁ ଶୁଭ ଦେଇଛନ୍ତି ଶ୍ରୀଯୁକ୍ତ ପଟ୍ଟନାୟକ । ଏହି ରାସ୍ତା ଉପରେ ଯାତାୟାତ ପାଇଁ ପ୍ରାୟ ତିନିଗୋଟି ପଞ୍ଚାୟତର 15 ହଜାର ଲୋକେ ନିର୍ଭର କରୁଥିବା ବେଳେ ରାସ୍ତାଟି ଦୀର୍ଘଦିନ ହେବ ଜରାଜୀର୍ଣ୍ଣ ଜୀବନ ହୋଇ ପଡିଥିଲା । ସ୍ଥାନୀୟ ବିଧାୟକ ଆଶ୍ରିତ ପଟ୍ଟନାୟକ ଏହାର ଶୁଭ ଦେଇ ଲୋକଙ୍କ ଆଶାର ଆଲୋକ ସାଜିଛନ୍ତି । ଏହି ରାସ୍ତା କାର୍ଯ୍ୟ ଆରମ୍ଭ ହେବାର ସୂଚନା ପାଇ ଖୁସି ହୋଇଥିଲେ ସ୍ଥାନୀୟ ବାସିନ୍ଦା । ବିଧାୟକ ଙ୍କୁ ବାଜା ବାଣ ଫୁଟାଇ ପୁଷ୍ପଗୁଛ ଉତ୍ତରୀୟ ଦେଇ ସ୍ୱାଗତ କରିବା ସହ ହଜାର ହଜାର ସଂଖ୍ୟାରେ ମହିଳା ପୁରୁଷ ରୁଣ୍ଡ ହୋଇଥିଲେ । ସେହିପରି କଲ୍ୟାଣପୁର ସ୍ଥିତ ଭାଗ୍ୟେଶ୍ୱର ମହାଦେବ ଙ୍କ ମନ୍ଦିର ପ୍ରାଚୀର ନିର୍ମାଣ ପ୍ରକଳ୍ପ ର ଭିତ୍ତି ପ୍ରସ୍ତର ସ୍ଥାପନ କରିଥିବା ବେଳେ ବିଭାଗୀୟ ଅଧିକାରୀ ଉପସ୍ଥିତ ଥିଲେ । ପରେ ଜୁଇଲୁଣ୍ଡା ଠାରେ ଆଜି କୁରାଳ ପଞ୍ଚମୀ ଅବସରରେ କୁମ୍ଭକାର ପରିବାର ଙ୍କ ସହିତ ପଞ୍ଚମୀ ପୂଜାରେ ସାମିଲ ହୋଇ ସେମାନଙ୍କ ଉତ୍ସାହ ବଢ଼ାଇଥିଲେ ବିଧାୟକ ଶ୍ରୀଯୁକ୍ତ ପଟ୍ଟନାୟକ ।
