ମୁଖ୍ୟ ପୃଷ୍ଟ। / odisha / jagatsinghpur

ନାଉଗାଁ ( ପି.ଏନ. ଏସ ) : ଜଗତସିଂହପୁର ଜିଲ୍ଲା ନାଉଗାଁ ବ୍ଳକ ର ନାଉଗାଁ ପଞ୍ଚାୟତ ସମିତି ପ୍ରତିନିଧି ମାନଙ୍କ ଦ୍ୱାରା ନାଉଗାଁ ସ୍ଥିତ କାଦମ୍ବିନୀ ମଣ୍ଡପ ପରିସରରେ ବ୍ଳକ ର ବିଭିନ୍ନ ବିକାଶ କାର୍ଯ୍ୟ ରେ ସ୍ଥାନୀୟ ବିଧାୟକ ବାଧକ ସାଜିଥିବା ନେଇ ଏକ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଯାଇଛି l ନାଉଗାଁ ବ୍ଳକ ଅଧ୍ୟକ୍ଷା ତୃଷ୍ଣା ଲେଙ୍କାଙ୍କ ସଭାପତିତ୍ୱ ରେ ଆୟୋଜିତ ଉକ୍ତ ସମ୍ମିଳନୀ ରେ ନାଉଗାଁ ବ୍ଳକ ସରପଞ୍ଚ ସଂଘ ର ସଭାପତି ଦୋଳଗୋବିନ୍ଦ ରାଉଳ ଙ୍କ ସହିତ ନାଉଗାଁ ବ୍ଳକ ର 16 ଟି ବିଭିନ୍ନ ପଞ୍ଚାୟତ ର ସରପଞ୍ଚ ଓ ସମିତି ସଭ୍ୟ ଓ ସଭ୍ୟା ମାନେ ଉପସ୍ଥିତ ରହି ନାଉଗାଁ ବ୍ଳକ ର ବିଭିନ୍ନ ଉନ୍ନୟନ ମୂଳକ ପ୍ରକଳ୍ପ ର ନିର୍ମାଣ କାର୍ଯ୍ୟ ଆରମ୍ଭ କରିବା ପୂର୍ବରୁ ବିଧାୟକ ଉକ୍ତ କାର୍ଯ୍ୟ ବନ୍ଦ କରିବା କୁ ବିଭାଗୀୟ ଅଧିକାରୀ ଙ୍କୁ ନିର୍ଦେଶ ଦେଉଥିବା ନେଇ ଅଭିଯୋଗ ଆଣିଛନ୍ତି l ଅନ୍ୟପଟେ ନାଉଗାଁ ବ୍ଳକ ରେ ହେଉଥିବା ବିଭିନ୍ନ ସରକାରୀ କାର୍ଯ୍ୟକ୍ରମ ରେ ପଞ୍ଚାୟତ ପ୍ରତିନିଧି ମାନଙ୍କୁ ଅଣଦେଖା କରାଯିବା ସହିତ, ଅନେକ କାର୍ଯ୍ୟକ୍ରମ ରେ ପ୍ରତିନିଧି ମାନଙ୍କୁ ମଧ୍ୟ ସୂଚନା ଦିଆ ନଯାଇ ନିଜର ଦଳୀୟ କର୍ମୀ ମାନଙ୍କୁ ବିଧାୟକ ଅଗ୍ରାଧିକାର ଦେଉଥିବା ନେଇ ମଧ୍ୟ ଅଭିଯୋଗ ଆଣିଛନ୍ତି ପ୍ରତିନିଧି ଗଣ l ତେବେ ଯଦି ଆଗାମୀ ଦିନରେ ବ୍ଳକ ର ବିକାଶ କାର୍ଯ୍ୟ ରେ ବିଧାୟକ ବାଧକ ସାଜନ୍ତି, ତେବେ ପଞ୍ଚାୟତ ପ୍ରତିନିଧି ମାନେ ଏହି ଆନ୍ଦୋଳନ କୁ ତୀବ୍ରତର କରିବେ ବୋଲି ସାମ୍ବାଦିକ ସମ୍ମିଳନୀ ସୂଚନା ଦେଇଛନ୍ତି |