ମୁଖ୍ୟ ପୃଷ୍ଟ। / odisha / jagatsinghpur

ପାରାଦ୍ୱୀପ ( ପି.ଏନ. ଏସ ) : ସକାଳ ୬ ରୁ ସନ୍ଧ୍ୟା ୬ ଟା ପର୍ଯ୍ୟନ୍ତ ଓଡ଼ିଶା ବନ୍ଦ । ରାଜରାସ୍ତାରେ କଂଗ୍ରେସ ଦଳ ସହିତ ୮ ଟି ଦଳ ପିକେଟିଂ କରୁଛନ୍ତି। ବନ୍ଦର ନଗରୀ ପାରାଦ୍ଵୀପ ରେ ଏହି ବନ୍ଦ ର ପ୍ରଭାବ ଦେଖିବାକୁ ମିଳିଛି। କଂଗ୍ରେସ କର୍ମୀମାନେ ପାରାଦ୍ଵୀପ ବଡ଼ପଡ଼ିଆ, ଅଠରବାଙ୍କି, ଦୋଛକି , କୁଜଙ୍ଗ ସମେତ ବିଭିନ୍ନ ସ୍ଥାନରେ ପିକେଟିଂ କରୁଛନ୍ତି। ସମସ୍ତ ସରକାରୀ ଓ ବେସରକାରୀ ସ୍କୁଲ ବନ୍ଦ‌ ଥିବା ବେଳେ ଦୋକାନ ବଜାର ମଧ୍ୟ ବନ୍ଦ ରହିଛି। ବାଲେଶ୍ୱର ର ଛାତ୍ରୀ ଆତ୍ମହତ୍ୟା ଘଟଣାକୁ ନେଇ ସମଗ୍ର ପାରାଦ୍ଵୀପ ର ସାଧାରଣ ଲୋକେ ମଧ୍ୟ ଏହି ବନ୍ଦ ପାଳନକୁ ଅଦ୍ଭୁତ ପୂର୍ବ ସମର୍ଥନ ଜଣାଇଛନ୍ତି। କିଛି ଜରୁରୀକାଳୀନ ଗାଡ଼ିକୁ ଛାଡ଼ିଦେଲେ ଅନ୍ୟ ସମସ୍ତ ଗାଡ଼ି ଚଳାଚଳ ବନ୍ଦ ରହିଛି । ପାରାଦ୍ଵୀପ ବନ୍ଦର ସମେତ ସମସ୍ତ କମ୍ପାନୀ ସମ୍ମୁଖରେ ମଧ୍ୟ ପିକେଟିଂ କରାଯାଉଛି। ବିଭିନ୍ନ କମ୍ପାନୀ ରେ ସକାଳ ୬ ଟା ପୂର୍ବରୁ ଶ୍ରମିକ ଓ କର୍ମଚାରୀ ମାନେ ପ୍ରବେଶ କରି ଭିତରେ କାର୍ଯ୍ୟ କରୁଥିବା ସୂଚନା ମିଳିଛି। ରାଜ୍ୟ ସରକାରଙ୍କ ବିଫଳତା, ବର୍ତ୍ତମାନ ପରିସ୍ଥିତି ରେ ମହିଳା ମାନେ ସୁରକ୍ଷିତ ନୁହଁନ୍ତି। ନିଜ ଝିଅ ମାନଙ୍କୁ ପାଠ ପଢ଼ାଇବା ପାଇଁ ପଠାଇବାକୁ ଏବେ ଭୟ ଲାଗିଲାଣି । ନ୍ୟାୟ ପାଇଁ ସମସ୍ତଙ୍କୁ ଅପିଲ କରି ନିରାସ ହେବାପରେ ଛାତ୍ରୀ ଜଣକ ବାଧ୍ୟ ହୋଇଥିଲେ ଆତ୍ମହତ୍ୟା କରିବାପାଇଁ। ତେଣୁ ନୈତିକତା ଦୃଷ୍ଟିରୁ ରାଜ୍ୟ ସରକାର ଶାସନ ବ୍ୟବସ୍ଥାରୁ ଓହରି ଯିବା ପାଇଁ କଂଗ୍ରେସ ଦାବି କରିଛି।