ମୁଖ୍ୟ ପୃଷ୍ଟ। / odisha / jagatsinghpur

ପାରାଦ୍ୱୀପ ( ପି.ଏନ. ଏସ ) : ସାରା ରାଜ୍ୟରେ ଡ୍ରାଇଭର ମହାସଂଘ ର ଷ୍ଟେରିଙ୍ଗ ଛାଡ ଆନ୍ଦୋଳନ ର ପ୍ରଭାବ ଦେଖିବାକୁ ମିଳିଛି। ବିଭିନ୍ନ ଅତ୍ୟାବଶ୍ୟକୀୟ ସାମଗ୍ରୀର ଅଭାବ ର‌ ସମ୍ଭାବନା ଦେଖାଦେଇଛି। ପାରାଦ୍ଵୀପ ର ଏଚପିସିଏଲ , ବିପିସିଏଲ , ଇଣ୍ଡିଆନ ଅଏଲ ତୈଳ ଟର୍ମିନାଲ ରେ ପାଖାପାଖି ୧ ହଜାର ରୁ ଉର୍ଦ୍ଧ୍ୱ ତେଲ ଟ୍ୟାଙ୍କର ଏବେ ରାସ୍ତା କଡ଼ରେ ଛିଡା ହୋଇଛି। ଫଳରେ ରାଜ୍ୟର ବିଭିନ୍ନ ଜିଲ୍ଲାରେ ଥିବା ପେଟ୍ରୋଲ ପମ୍ପ କୁ ତୈଳ ପରିବହନ ହୋଇପାରୁନାହିଁ । ଆଜି ଜିଲ୍ଲା ପ୍ରଶାସନ ଓ ପୋଲିସ ପ୍ରଶାସନ ପକ୍ଷରୁ କିଛି ଟ୍ୟାଙ୍କର କୁ ଏସକଟ୍ ରେ ନିଆଯାଉଥିବା ବେଳେ, ଆମେ ଡ୍ରାଇଭର ସଂଘ ର ଆନ୍ଦୋଳନ କୁ ସମର୍ଥନ କରୁଛୁ କିନ୍ତୁ ସାଧାରଣ ଲୋକ ଓ ମେଡିକାଲ ଇମରଜେନ୍ସି ପାଇଁ ଆମେ କିଛି ଗାଡ଼ି ରେ ତୈଳ ପରିବହନ କରୁଛୁ ବୋଲି କିଛି ଡ୍ରାଇଭର ପ୍ରକାଶ କରିଛନ୍ତି। ସେହିପରି ଟର୍ମିନାଲ ଛକରେ ଶାନ୍ତିପୂର୍ଣ୍ଣ ଧାରଣାରେ ମଧ୍ୟ କିଛି ଡ୍ରାଇଭର ବସିଛନ୍ତି। ଆମ ଦାବି ପୂରଣ ନହେବା ପର୍ଯ୍ୟନ୍ତ ଆନ୍ଦୋଳନ ଜାରି ରହିବ, ଆନ୍ଦୋଳନ କୁ ଭଣ୍ଡୁର ପାଇଁ ପ୍ରୟାସ କରାଯାଉଛି ଯାହା ସଫଳ ହେବନାହିଁ। ଆଗକୁ ପଞ୍ଚାୟତ ନିର୍ବାଚନ ଓ ୨୦୨୯ ସାଧାରଣ ନିର୍ବାଚନ ରେ ଆମ ସଙ୍ଘ ର ୫ ଲକ୍ଷ ଡ୍ରାଇଭର ଏହାର ଜବାବ ଦେବେ ବୋଲି ସେମାନେ ଚେତାବନୀ ଦେଇଛନ୍ତି।