ମୁଖ୍ୟ ପୃଷ୍ଟ। / odisha / jagatsinghpur

ଜଗତସିଂହପୁର ( ପି.ଏନ. ଏସ ) : ପାରିବାରିକ କଳହ କୁ କେନ୍ଦ୍ର କରି ପୁତୁରାକୁ ଅତି ନିର୍ମମ ଭାବେ କୋଦାଳରେ ହତ୍ୟାକଲା ଦାଦା। ଏପରି ଘଟଣା ଦେଖିବାକୁ ମିଳିଛି ଜଗତସିଂହପୁର ସଦର ଥାନା ଅଧିନ ଯାହାନପୁର ଅଞ୍ଚଳରେ ଘଟିଛି ଏପରି ଅଘଟଣ। ପାରିବାରିକ କଳହ କୁ କେନ୍ଦ୍ର କରି ସକାଳୁ ସୁମନ ଦାସ (୨୧) ଦାନ୍ତ ଘଷୁ ଥିବା ସମୟରେ ଦାଦା ସଞ୍ଜୟ ଦାସ ଏକ କୋଦାଳ ସାହାଯ୍ୟରେ ପଛପଟୁ ବେକକୁ ଆକ୍ରମଣ କରିଥିଲା। ଯାହା ଫଳରେ ପୁତୁରା ସୁମନ ଦାସ ଙ୍କ ଘଟଣା ସ୍ଥଳରେ ହିଁ ମୃତ୍ୟୁ ଘଟିଥିଲା। ଖବର ପାଇ ଜଗତସିଂହପୁର ପୋଲିସ ଘଟଣା ସ୍ଥଳରେ ପହଞ୍ଚି ମୁଖ୍ୟ ଆସାମୀ ସଞ୍ଜୟ ଦାସ ଙ୍କୁ ଅଟକ ରଖି ପଚରାଉଚରା କରୁଛି। ମୃତ ଦେହକୁ ଜଗତସିଂହପୁର ଜିଲ୍ଲା ସଦର ମହକୁମାର ମେଡିକାଲ କୁ ବ୍ୟବଚ୍ଛେଦ ପାଇଁ ପଠାଜାଇ ଥିବା ନେଇ ସୂଚନା ମିଳିଛି l