ମୁଖ୍ୟ ପୃଷ୍ଟ। / odisha / jagatsinghpur

ପାରାଦ୍ୱୀପ ( ପି.ଏନ. ଏସ ) : ପ୍ରଚଣ୍ଡ ରୌଦ୍ର ତାପରେ ସ୍କୁଲ ର ଛାତ୍ରମାନେ ବାଣ୍ଟୁଛନ୍ତି ପରିବେଶ ସୁରକ୍ଷା ସଚେତନତା ବାର୍ତା। ପରିବେଶର ସୁରକ୍ଷା ପାଇଁ ସମସ୍ତେ ଯାନବାହାନ ଠାରୁ ଦୂରେଇ ରହି ସାଇକେଲ କୁ ଆପଣେଇବା ପାଇଁ ସଚେତନ କରୁଛନ୍ତି ସ୍କୁଲର ଛାତ୍ରମାନେ । ପ୍ରତ୍ୟେକ ଦିନ ସାଇକେଲ ଚାଳନା କରିବା ଦ୍ବାରା ନିଜ ଶରୀର ସୁସ୍ଥ ରହିବା ସହିତ ପରିବେଶ ମଧ୍ୟ ପ୍ରଦୂର୍ଷଣ ମୁକ୍ତ ହୋଇଥାଏ। ବିଶ୍ଵ ସାଇକେଲ ଦିବସ ଉପଲକ୍ଷେ ଏକ ପରିବେଶ ସୁରକ୍ଷ୍ୟା ସଚେତନତା ସାଇକେଲ ରାଲି ପାରାଦୀପ ଲାଇଟ ହାଉସ ନିକଟରୁ ବାହାରି ସହର ପରିକ୍ରମା କରି ଲାଇଟ ହାଉସ ନିକଟରେ ଶେଷ ହୋଇଥିଲା। ରାଲି ର ମୁଖ୍ୟ ଉଦ୍ଦେଶ୍ୟ ହେଲା ପ୍ରତେକ ଦିନ ଶହ ଶହ ସଂଖ୍ୟାରେ ଯାନବାହାନ ଯାତାୟତ କରୁଥିବାରୁ ବାୟୁ ପ୍ରଦୂର୍ଷଣ ବୃଦ୍ଧି ପାଇବାରେ ଲାଗିଛି ଫଳରେ ଅନେକ ରୋଗର ଶୀକାର ହେଉଛନ୍ତି ସାଧାରଣ ଲୋକେ। ତେଣୁ ଯାନବାହାନ ଠାରୁ ଦୂରରେ ରହି ସାଇକେଲ ଚାଳନା କରି କାର୍ଯ୍ୟାଳୟ ଯିବା ସହିତ ବଜାର ହେଉ କିମ୍ବା ନିକଟସ୍ଥ ସ୍ଥାନକୁ ସାଇକେଲ ମାଧ୍ୟମରେ ଯିବା ଆସିବା କଲେ ନିଶ୍ଚିନ୍ତ ରୂପେ ନିଜ ଶରୀର ସୁସ୍ଥ ରହିବା ସହିତ ପ୍ରଦୂର୍ଷଣ ମାତ୍ରା ହ୍ରାସ ହେବ ବୋଲି କହିଛନ୍ତି ପରିବେଶ ସୁରକ୍ଷା ସଚେତନତା ବାର୍ତ୍ତା ବାଣ୍ଟୁଥିବା ବାପି ଗୋଛାୟତ |