ମୁଖ୍ୟ ପୃଷ୍ଟ। / odisha / jagatsinghpur

ପାରାଦ୍ୱୀପ ( ପି.ଏନ. ଏସ ) : ୭ ଦଫା ଦାବିକୁ ନେଇ ଓଡ଼ିଶା ଡ୍ରାଇଭର ମହାସଂଘ ଷ୍ଟେରିଙ୍ଗ ଛାଡ କରୁଥିବା ବେଳେ, ଆଜି ସକାଳୁ ଶ୍ରମିକ ଟ୍ରେଡ ୟୁନିୟନ ପକ୍ଷରୁ ଅଲ୍ ଇଣ୍ଡିଆ ବନ୍ଦ ଡାକରା ଦିଆଯାଇଛି। ଯାହାର ସିଧାସଳଖ ପ୍ରଭାବ ବନ୍ଦର ନଗରୀ ପାରାଦ୍ଵୀପ ରେ ପଡ଼ିଛି। କେବଳ ପାରାଦ୍ଵୀପ ବନ୍ଦର କତ୍ତୃପକ୍ଷ ଙ୍କ ସହିତ ଆଲୋଚନା ପରେ ବନ୍ଦର ରେ ପଣ୍ୟ ପରିବହନ ସ୍ବାଭାବିକ ରହିଥିବା ବେଳେ ଅନ୍ୟ କାରଖାନା ଓ ତୈଳ ଟର୍ମିନାଲ ରେ ତେଲ ଓ ପଣ୍ୟ ପରିବହନ ଏକପ୍ରକାର ବନ୍ଦ୍ ହୋଇଯାଇଛି। ସକାଳୁ ବିଭିନ୍ନ ଶ୍ରମିକ ଟ୍ରେଡ ୟୁନିୟନ ପକ୍ଷରୁ କମ୍ପାନୀ ଗୁଡ଼ିକ ସମ୍ମୁଖରେ ପିକେଟିଂ କରାଯାଉଛି। ଫଳରେ କୈାଣସି କମ୍ପାନୀ ଭିତରକୁ ଶ୍ରମିକ କିମ୍ବା କର୍ମଚାରୀ ଯିବା ଆସିବା କରିପାରୁ ନାହାଁନ୍ତି। ୧୩ ଟି ଟ୍ରେଡ ୟୁନିୟନ ଓ ସ୍ବାଧିନ ଫେଡେରେସନ ପକ୍ଷରୁ ୧୭ ଦଫା ଦାବିକୁ ନେଇ ବନ୍ଦ ଡାକରାକୁ ଓହ୍ଲାଇଛନ୍ତି। କେଦ୍ର ସରକାର ପୁରୁଣା ଶ୍ରମ ଆଇନକୁ ଉଚ୍ଛେଦ କରି କମ୍ପାନୀ ଗୁଡ଼ିକୁ ସୁହାଇବା ଭଳି ନୂତନ ଆଇନ ପ୍ରଣୟନ କରୁଥିବା ଟ୍ରେଡ ୟୁନିୟନ ଗୁଡିକ ପକ୍ଷରୁ ଅଭିଯୋଗ କରାଯାଇଛି। ଏହି ନୂତନ ଶ୍ରମ ଆଇନକୁ ଉଚ୍ଛେଦ କରିବା ପାଇଁ ଶ୍ରମିକ ୟୁନିଅନ ପକ୍ଷରୁ ଦାବୀ କରାଯାଇଛି।