ମୁଖ୍ୟ ପୃଷ୍ଟ। / odisha / jagatsinghpur

ପାରାଦ୍ୱୀପ ( ପି.ଏନ. ଏସ ) : ସାଢ଼େ ଚାରି କୋଟି ଓଡିଆଙ୍କ ପ୍ରିୟ ମଣିଷ, ପୂର୍ବତନ ମୁଖ୍ୟମନ୍ତ୍ରୀ ତଥା ବିରୋଧିଦଳ ନେତା ନବୀନ ପଟ୍ଟନାୟକଙ୍କ ଆଶୁ ଆରୋଗ୍ୟ କାମନା କରି ପାରାଦ୍ଵୀପ ର ବିଭିନ୍ନ ମନ୍ଦିର ରେ ପୂଜାର୍ଚ୍ଚନା ଓ ଦୀପଦାନ କରାଯାଇଛି। ପାରାଦ୍ଵୀପ ନଗର ବିଜେଡି ପକ୍ଷରୁ ମୁକ୍ତେଶ୍ଵର ଶିବ ମନ୍ଦିରରେ ୧୦୮ ଦୀପ ଦାନ କରାଯିବା ସହିତ ପୂଜାର୍ଚ୍ଚନା କରାଯାଇଛି। ଏଠାରେ ୫୦୦ ଶହରୁ ଊର୍ଦ୍ଧ୍ବ ମହିଳା ଓ ସ୍ଥାନୀୟ ଲୋକେ ଯୋଗ ଦେଇ ନବୀନ ପଟ୍ଟନାୟକଙ୍କ ଆଶୁ ଆରୋଗ୍ୟ କାମନା କରିଥିଲେ। ସେହିପରି ପାରାଦ୍ଵୀପ ହନୁମାନ ମନ୍ଦିର ପରିସରରେ ମଧ୍ୟ ଦୀପଦାନ ଓ ପୂଜାର୍ଚ୍ଚନା କରାଯାଇଛି । ମନ୍ଦିର ପରିସରରେ ଜଗନ୍ନାଥ ମନ୍ଦିର, ହନୁମାନ ମନ୍ଦିର ଓ ସାଇ ମନ୍ଦିର ରେ ପୂଜାର୍ଚ୍ଚନା କରାଯିବା ପରେ ୧୦୮ ଦୀପ ଦାନ କରାଯାଇଥିଲା। ଏଥିରେ ଶତାଧିକ ମହିଳା ଓ ପୁରୁଷ ଯୋଗ ଦେଇ ପୂର୍ବତନ ମୁଖ୍ୟମନ୍ତ୍ରୀ ମାନ୍ୟବର ନବୀନ ପଟ୍ଟନାୟକଙ୍କ ଆଶୁ ଆରୋଗ୍ୟ କାମନା କରିଥିଲେ। ସେହିପରି ପାରାଦ୍ଵୀପ ର ୧୯ ଟି ଓ୍ବାର୍ଡ ରେ ଥିବା ବିଭିନ୍ନ ମନ୍ଦିର ମଠ ମାନଙ୍କରେ ବିଜେଡି ଦଳ ର କର୍ମକର୍ତ୍ତା ମାନଙ୍କ ପକ୍ଷରୁ ଦୀପ ଦାନ କରାଯାଇଛି।