ମୁଖ୍ୟ ପୃଷ୍ଟ। / odisha / jagatsinghpur

ନାଉଗାଁ ( ପି.ଏନ. ଏସ ) : ବଣରେ ଝୁଲୁଛି ବନିତା , ଗୋଡ ତଳେ ଲାଗିଛି ଆଉ ଦେହର ବ୍ଲାଉଜ ମଧ୍ୟ ଗାଏବ | ନିଜ ପିନ୍ଧା ଲୁଗାରେ ଅର୍ଦ୍ଧ ଉଲଗ୍ନ ଅବସ୍ତାରେ ଗଛରେ ଝୁଲୁଛି ସେ | ଏପଟେ ପରିବାର ଆଣିଲା ହତ୍ୟା ଅଭିଯୋଗ | ଜଗତସିଂହପୁର ଜିଲ୍ଲା ନାଉଗାଁ ବ୍ଳକ ଛତିଆନା ଗ୍ରାମର ରବିନ୍ଦ୍ର ସାହୁଙ୍କ ଝିଆରୀ ବନିତା ସାହୁ ଆଜକୁ ପାଞ୍ଚବର୍ଷ ତଳେ ପୁରୀ ଜିଲ୍ଲା ନିମାପଡ଼ା ଥାନା ଚାଉଳବସ୍ତ ଗ୍ରାମର ନବଘନ ସାହୁଙ୍କୁ ବିବାହ କରିଥିବା ବେଳେ ଗତ ତିନିଦିନ ହେବ ସେ କୁଆଡେ ଚାଲିଯାଇଥିବା ତାଙ୍କ ଶାଶୁଘର ଲୋକେ ବାପଘରକୁ ଖବର ଦେଇଥିଲେ | ବାପଘର ଲୋକ ବିଳମ୍ବରେ କଣ ପାଇଁ ଖବର ଦେଲେ ବୋଲି ସନ୍ଦେହ କରିବା ସହ ନିମାପଡ଼ା ଥାନାରେ ଏକ ଜଉତୁକ ନିର୍ଯ୍ୟତନା କେଶ ମଧ୍ଯ ଦେଇଥିଲେ | କିନ୍ତୁ ଆଜି ଭୋର ସକାଳୁ ନାଉଗାଁ ବ୍ଲକ ଦେବୀଦୋଳ ଦେବୀ ନଦୀ ପାଖ ରାସ୍ତାକଡ଼ ଏକ ବଣ ଅଞ୍ଚଳରେ ଥିବା ଗଛରେ ବନିତାଙ୍କ ଅର୍ଦ୍ଧ ଉଲଗ୍ନ ମୃତଦେହ ଝୁଲୁଥିବା ଦେଖିବାକୁ ମିଳିଛି | ପରିବାର ପକ୍ଷ୍ୟରୁ ହତ୍ୟା ଅଭିଯୋଗ ହୋଇଥିବା ବେଳେ ପୋଲିସ ତଦନ୍ତ ଆରମ୍ଭ କରିଛି | ଯଦି ବନିତା ରାଗି କରି ଆସିଲେ ତେବେ ତିନିଦିନ ଧରି ସେ ଥିଲେ କେଉଁଠି ଓ ତାଙ୍କ ମୃତ୍ୟୁ ହତ୍ୟା ନା ଆତ୍ମହତ୍ୟା ତାହା ସ୍ପଷ୍ଟ ହୋଇନାହିଁ | ସେ ଏକୁଟିଆ ବୁଲୁଥିବା ଅବସ୍ତାରେ କେହି ତାଙ୍କୁ ତାଙ୍କ ସହ କିଛି ଖରାପ କରି ତାଙ୍କୁ ଟାଙ୍ଗୀ ଦେଇନି ତ ବୋଲି ମଧ୍ଯ ପ୍ରଶ୍ନ ଉଠିଛି | ଯଦି ସେ ଆତ୍ମହତ୍ୟା କଲେ ତେବେ ତାଙ୍କ ବ୍ଲାଉଜ ଗଲା କୁଆଡେ ଓ ସେ ଅର୍ଦ୍ଧ ଉଲଗ୍ନ ହେଲେ କିପରି ଯାହାକୁ ନେଇ ଏବେ ସାଧାରଣରେ ପ୍ରଶ୍ନବାଚୀ ସୃଷ୍ଟି ହୋଇଛି |