ମୁଖ୍ୟ ପୃଷ୍ଟ। / odisha / jagatsinghpur

ପାରାଦ୍ୱୀପ ( ପି.ଏନ. ଏସ ) : ବନ୍ଦର ନଗରୀ ପାରାଦ୍ଵୀପ ର ବିଭିନ୍ନ ହୋଟେଲ ଓ ଫାଷ୍ଟ ଫୁଡ୍ ଦୋକାନ ରେ ଖାଦ୍ୟ ସୁରକ୍ଷା ବିଭାଗ ପକ୍ଷରୁ ଚଢାଉ କରାଯାଇଛି। ପାରାଦ୍ଵୀପ ଆଦର୍ଶ ଥାନା ପୋଲିସ ସହଯୋଗ ରେ ଜିଲ୍ଲା ଖାଦ୍ୟ ସୁରକ୍ଷା ବିଭାଗ ର ଏକ ସ୍ବତନ୍ତ୍ର ଟିମ୍ ଏହି ଚଢ଼ାଉ କରିଥିଲା। ଏଥିରେ ବିଭିନ୍ନ ହୋଟେଲ ର ରୋଷେଇ ଶାଳର ସ୍ଥିତି, ପିଇବା ପାଣି ଓ ଫାଷ୍ଟ ଫୁଡ୍ ଦୋକାନ ଗୁଡ଼ିକରେ ବିନା ଗ୍ଲୋବ୍ସ ରେ ସାମଗ୍ରୀ ତିଆରି କରାଯାଉଥିବା ବେଳେ ପିଇବା ପାଣିର ମଧ୍ୟ ଯାଞ୍ଚ୍ କରାଯାଇଛି। ଏହି ଯାଞ୍ଚ୍ ସମୟରେ ଦୁଇଟି ହୋଟେଲ ଉପରେ ଫାଇନ କଟାଯାଇଥିବା ବେଳେ ସମସ୍ତ ହୋଟେଲ କୁ ୭ ଦିନ ମଧ୍ୟରେ ଆନୁସଙ୍ଗିକ ଲାଇସେନ୍ସ କରିବା ପାଇଁ ଚେତାବନୀ ଦିଆଯାଇଛି। ସେହିପରି ହୋଟେଲ ରେ ବ୍ୟବହାର ହେଉଥିବା ମସଲା ଓ ମିଠା ଦୋକାନରେ ବିକ୍ରି ହେଉଥିବା ମିଠା ଗୁଡିକର ମାନ ପରିକ୍ଷା ପାଇଁ ପଠାଇଛି ଖାଦ୍ୟ ସୁରକ୍ଷା ବିଭାଗ। ବିଭିନ୍ନ ଜିଲ୍ଲାରେ ଦ୍ରୁତ ଗତିରେ ଡାଇରିଆ ବ୍ୟାପୁଥିବା ରୁ ଏହି ଯାଞ୍ଚ୍ କରାଯାଉଥିବା ବେଳେ ଏହି ବିଭାଗରେ କର୍ମଚାରୀଙ୍କ ସଂଖ୍ୟା କମ୍ ରହିଥିବାରୁ ସବୁବେଳେ ଯାଞ୍ଚ୍ କରିବା ସମ୍ଭବ ହେଉନି ବୋଲି ସ୍ବୀକାର କରିଛନ୍ତି ଫୁଡ୍ ସେଫ୍ଟି ଅଫିସର ।