ପାରାଦ୍ଵୀପ ପରିବା ମାର୍କେଟ ରେ ଭୟାବହ ଅଗ୍ନିକାଣ୍ଡ , କୋଟିଏ ରୁ ଉର୍ଦ୍ଧ ଟଙ୍କାର ସମ୍ପତୀ ଜଳିଗଲା ।
Alok Kumar Mohapatra | 22 Feb 2026 | 8 min read | 6 views
ପାରାଦ୍ୱୀପ ( ପି.ଏନ. ଏସ ) : ପାରାଦ୍ଵୀପ ପରିବା ମାର୍କେଟ ରେ ଭୟାବହ ଅଗ୍ନିକାଣ୍ଡ। ଜଳିଗଲା ୪୦ ରୁ ଉର୍ଦ୍ଧ ପରିବା ଦୋକାନ ,ପାଖାପାଖି ୩ କୋଟି ଟଙ୍କା ରୁ ଉର୍ଦ୍ଧ ସମ୍ପତ୍ତି ଜଳିପୋଡି ପାଉଁଶ ହୋଇଯାଇଛି l ବିଳମ୍ବିତ ରାତ୍ରି ପାଖାପାଖି ଦୁଇଟା ସମୟରେ ଏକ ଦୋକାନ ରେ ଲାଗିଥିବା ନିଆଁ ଚାହୁଁଚାହୁଁ ସମଗ୍ର ପରିବା ମାର୍କେଟ ବ୍ୟାପି ଯାଇଥିଲା l ଅଗ୍ନିକାଣ୍ଡ ଏତେ ଭୟଙ୍କର ଥିଲା ଯେ କେହି କିଛି ଭାବିବା ଆଗରୁ ସମଗ୍ର ପରିବା ମାର୍କେଟ ନିଆଁ ରେ ପୋଡି ଛାରଖାର ହୋଇଯାଇଥିଲା। ପରିବା, ଟଙ୍କା, ଓଜନକଣ୍ଟା, ସାଇକେଲ, ବାଇକ, ବିଭିନ୍ନ ଆସବାବପତ୍ର ସମ୍ପୂର୍ଣ ଜଳିପୋଡି ପାଉଁଶ ହୋଇଯାଇଛି l ଅଗ୍ନିକାଣ୍ଡର କାରଣ ଅସ୍ପଷ୍ଟ ଥିବା ବେଳେ ଖବର ପାଇ କୁଜଙ୍ଗ ଅଗ୍ନିଶମ ବିଭାଗ ସହିତ ପାରାଦୀପ ବନ୍ଦରର ଦୁଇଟି,ପିପିଏଲ, ଇଫକୋ,ଆର୍ସେଲର ମିତଲ ନିପ୍ପନ ଷ୍ଟିଲ ର ମିଶି ୬ଟି ନିଆଁଲିଭା ଗାଡି ଦୁଇ ଘଣ୍ଟାରୁ ଉର୍ଦ୍ଧ ସମୟ ଧରି ଅକ୍ଲାନ୍ତ ପରିଶ୍ରମ କରିବା ପରେ ନିଆଁକୁ ଆୟତ୍ତ କରିବାରେ ସଫଳ ହୋଇଥିଲେ l ସମଗ୍ର ପାରାଦୀପ ବାସୀଙ୍କ ପରିବା ର ଚାହିଦା ମେଣ୍ଟାଉଥିବା ଏହି ସର୍ବବୃହତ ପରିବା ମାର୍କେଟ ରେ ଥିବା ଅସ୍ଥାୟୀ ପିଣ୍ଡି ଗୁଡିକ ବାଉଁଶ ଓ ପାଲ ରେ ତିଆରି ହୋଇଥିବା ରୁ ନିଆଁ ଲାଗିବା ପରେ ଏହାକୁ ଆୟତ୍ତ କରିବା କଷ୍ଟକର ହୋଇ ପଡିଥିଲା ବୋଲି ବଣିକ ସଙ୍ଘର ସଦସ୍ୟ ମାନେ କହିଛନ୍ତି l ରାତି ଦୁଇଟାରେ ସମସ୍ତ ପରିବା ବ୍ୟବସାୟୀ ଶୋଇଥିବା ସମୟରେ ଏହି ଅଗ୍ନିକାଣ୍ଡ ଘଟିଥିବା ରୁ କେହି କିଛି ଭାବିବା ପୂର୍ବରୁ ନିଆଁ ସମ୍ପୂର୍ଣ ପରିବା ମାର୍କେଟ କୁ ଗ୍ରାସ କରିଥିବା ନେଇ ବ୍ୟବସାୟୀ ମାନେ କହିଛନ୍ତି। ପୂର୍ବରୁ କିଛିମାସ ତଳେ ଏହିଭଳି ବିଳମ୍ବିତ ରାତ୍ରିରେ ଅଗ୍ନିକାଣ୍ଡ ଘଟିଥିଲେ ମଧ୍ୟ ବ୍ୟବସାୟୀ ମାନଙ୍କ ଉପସ୍ଥିତ ବୁଦ୍ଧି ଯୋଗୁ ୨ ରୁ ୩ ଟି ଦୋକାନ କ୍ଷତି ହୋଇଥିଲା l ହେଲେ ଆଜିର ଦୁର୍ଘଟଣା ସମଗ୍ର ବ୍ୟବସାୟୀ ଙ୍କ ମେରୁଦଣ୍ଡ ଦୋହଲାଇ ଦେଇଛି l ତେବେ କେଉଁ କାରଣରୁ ଅଗ୍ନିକାଣ୍ଡ ଘଟିଛି ତାହା ଜଣା ପଡି ନ ଥିଲେ ମଧ୍ୟ ବ୍ୟାପକ କ୍ଷୟକ୍ଷତି ହୋଇଥିବା ନେଇ କୁଜଙ୍ଗ ଅଗ୍ନିଶମ ବିଭାଗ ର ଅଧିଜାରୀ କାର୍ତ୍ତିକ ବିଶ୍ୱାଳ ପ୍ରକାଶ କରିଛନ୍ତି ।
