ପାରାଦ୍ଵୀପ ବେଳାଭୂମିରେ ହେବ ଶ୍ରୀଜଗନ୍ନାଥ ମହୋତ୍ସବ : ପ୍ରସ୍ତୁତି ବୈଠକରେ ଯୋଗଦେଲେ ଶ୍ରୀକ୍ଷେତ୍ର ପଣ୍ଡିତ ସୂର୍ଯ୍ୟନାରାୟଣ ରଥଶର୍ମା ।
Alok Kumar Mohapatra | 06 Feb 2026 | 6 min read | 7 views
ପାରାଦ୍ୱୀପ ( ପି.ଏନ. ଏସ ) : ପାରାଦ୍ୱୀପ ଶ୍ରୀଜଗନ୍ନାଥ ମନ୍ଦିର ପ୍ରାଙ୍ଗଣରେ ପାରାଦ୍ୱୀପ ବେଳାଭୂମି ରେ ହେବାକୁ ଯାଉଥିବା ଶ୍ରୀଜଗନ୍ନାଥ ମହୋତ୍ସବ ଉପଲକ୍ଷେ ଏକ ପ୍ରସ୍ତୁତି ବୈଠକ ଶୁକ୍ରବାର ଦିନ ଅନୁଷ୍ଠିତ ହୋଇଯାଇଛି l ଆଞ୍ଚଳର ବୁଦ୍ଧିଜୀବୀ ଙ୍କ ଅନୁରୋଧ କ୍ରମେ ପୁରୀ ଜଗନ୍ନାଥ ଧାମ ରୁ ଶ୍ରୀକ୍ଷେତ୍ର ଅଭିଜ୍ଞ ପଣ୍ଡିତ ସୂର୍ଯ୍ୟନାରାୟଣ ରଥଶର୍ମା ଙ୍କ ସମେତ ପଣ୍ଡିତ ମାନେ ଯୋଗଦାନ କରିଥିଲେ l ଶ୍ରୀ ରଥଶର୍ମା ଙ୍କ ସୂଚନା ଅନୁସାରେ ଆଗାମୀ ମଇ ୨୭ ତାରିଖ ଠାରୁ ୯ ଦିନ ବ୍ୟାପି ଏହି କାର୍ଯ୍ୟକ୍ରମ ଅନୁଷ୍ଠିତ ହେବ l ପାରାଦ୍ୱୀପ ର ବେଳାଭୂମି ଅନୁରୂପ ଶ୍ରୀକ୍ଷେତ୍ର ପାଲଟିବ ଏବଂ ଶ୍ରୀଜଗନ୍ନାଥ ଙ୍କ ୩୨ ବେଶ ସହ, ୫୬ ଭୋଗ, ଆନନ୍ଦ ବଜାରରେ ଶ୍ରୀକ୍ଷେତ୍ର ର ସୁଆର ସେବକ ଙ୍କ ଦ୍ୱାରା ମହାପ୍ରସାଦ ରନ୍ଧନ ସହ, ଶ୍ରୀକ୍ଷେତ୍ର ର ଅଭିଜ୍ଞ ପଣ୍ଡିତ ମାନଙ୍କ ଦ୍ୱାରା ଶ୍ରୀବିଷ୍ଣୁ ମହାଯଜ୍ଞ , ଶ୍ରୀଜଗନ୍ନାଥ ପୁସ୍ତକ ମେଳା ସହ ସନ୍ଧ୍ୟାରେ ଓଡିଶା ଏବଂ ଓଡିଶା ବାହାରର ବିଭିନ୍ନ ସାଧୂସନ୍ଥ ମାନଙ୍କ ଦ୍ୱାରା ଶ୍ରୀଜଗନ୍ନାଥ ଚରିତାମୃତ ଶ୍ରବଣ ର ସୁଯୋଗ ପାଇବେ ପାରାଦ୍ୱୀପ ବାସି l ଏହି କାର୍ଯ୍ୟକ୍ରମ ସମ୍ପର୍କରେ ସୂଚନା ମିଳିବାପରେ ଅଞ୍ଚଳବାସି ଙ୍କ ମନରେ ଆନନ୍ଦ ଖେଳିଯାଇଛି l ପାରାଦ୍ୱୀପ ର ବହୁ ବୁଦ୍ଧିଜୀବୀ ଏବଂ ଶ୍ରୀଜଗନ୍ନାଥ ପ୍ରେମୀ ଶ୍ରୀଯୁକ୍ତ ରଥଶର୍ମା ଙ୍କୁ ସ୍ୱାଗତ ସମ୍ବର୍ଦ୍ଧନା ଜଣାଇଇଥିଲେ l ପାରାଦ୍ୱୀପ ପିପିଏଲ ଶ୍ରୀଜଗନ୍ନାଥ ମନ୍ଦିର , ତାରିଣୀ ଗଡା ଜଗନ୍ନାଥ ମନ୍ଦିର, ଆର୍ଟ ଅଫ ଲିଭିଙ୍ଗ ଆଶ୍ରମ ଏବଂ ମଧୁବନ ଶ୍ରୀଜଗନ୍ନାଥ ମନ୍ଦିର ତରଫରୁ ଶ୍ରୀଯୁକ୍ତ ରଥଶର୍ମା ଙ୍କୁ ସମ୍ବର୍ଦ୍ଧନା କରାଯାଇଥିଲା l
