ଉଧାର ଟଙ୍କା ଆଗରେ ଫିକା ପଡିଲା ବନ୍ଧୁତା, ବନ୍ଧୁର ଆକ୍ରମଣ ରେ ବନ୍ଧୁ ଆହତ ।
Alok Kumar Mohapatra | 30 Jan 2026 | 7 min read | 8 views
ପାରାଦ୍ୱୀପ ( ପି.ଏନ. ଏସ ) : ଉଧାର ଟଙ୍କା କୁ ନେଇ ସଂଘବଦ୍ଧ ଭାବରେ ମରଣାନ୍ତକ ଆକ୍ରମଣ, ଦୀର୍ଘଦିନ ର ବନ୍ଧୁତା ପଡିଲା ଫିକା, ପନ୍ଦର ଶହ ଟଙ୍କା ପାଇଁ ବନ୍ଧୁ ତାର ପତ୍ନୀ ଓ ବାପା ଙ୍କୁ ଆକ୍ରମଣ କରିବାକୁ ପଛାଇଲା ନାହିଁ ସାଙ୍ଗ, ଯାହାକୁ ନେଇ ଆଦର୍ଶ ଥାନା ରେ ଆକ୍ରମଣ ର ଶିକାର ହୋଇଥିବା ଅରୁଣ ପ୍ରଧାନ ଙ୍କ ସ୍ତ୍ରୀ ଗୀତାଞ୍ଜଳି ଲିଖିତ ଅଭିଯୋଗ କରିଛନ୍ତି l ଗୀତାଞ୍ଜଳି ଙ୍କ ଅଭିଯୋଗ ଅନୁଯାୟୀ ପୂର୍ବରୁ ଅରୁଣ ଓ ଶିବରାମ ଦୁଇଜଣ ଭଲ ସାଙ୍ଗଥିଲେ l ଅରୁଣ ଙ୍କ ଅସୁବିଧା କରଣରୁ ଶିବରାମ ଙ୍କ ଠାରୁ ପାଞ୍ଚ ହଜାର ଟଙ୍କା ଧାର ଆଣି ୩ ହଜାର ପାଞ୍ଚଶହ ଟଙ୍କା ଦେଇଥିଲେ l ଅସୁବିଧା କାରଣରୁ ଟଙ୍କା ଦେବାରେ ବିଳମ୍ବ ହେବାରୁ ବିଭିନ୍ନ ସମୟରେ ଶିବରାମ ଅରୁଣ ଙ୍କୁ ଗାଳି ଗୁଲଜ କରିବା ସହିତ ତାଙ୍କ ପତ୍ନୀଙ୍କୁ ମଧ୍ୟ ବିଭିନ୍ନ କଥା ଶୁଣାଉଥିଲେ l ଗତକାଲି ସନ୍ଧ୍ୟା ସମୟରେ ବଡପଡ଼ିଆ ନିକଟରେ ଶିବରାମ ଅରୁଣ ଙ୍କୁ ଟଙ୍କା ମାଗିବା ସହିତ ଅଶ୍ଳୀଳ ଭାଷାରେ ଗାଳି ଗୁଲଜ କରିଥିଲେ l ଏତିକି ରେ ମନ ଶାନ୍ତି ହୋଇ ନ ଥିଲା ରାତି ସାତଟା ସମୟରେ ଗୀତାଞ୍ଜଳି ନିଜ ଝିଅକୁ ଟିୟୁସନ ରୁ ଆଣି ଆସୁଥିବା ସମୟରେ ଶିବରାମ ଗୀତାଞ୍ଜଳି ଙ୍କୁ ଟଙ୍କା ମାଗିବା ସହିତ ଯୁକ୍ତିତର୍କ ହୋଇଥିଲା l ଖବର ପାଇ ସ୍ୱାମୀ ଓ ଶଶୁର ଘଟଣାସ୍ଥଳ ରେ ପହଞ୍ଚିବା ପରେ ଉଭୟଙ୍କ ମଧ୍ୟରେ ଯୁକ୍ତିତର୍କ ହୋଇଥିଲା l ନିଶାଶକ୍ତ ଅବସ୍ଥାରେ ଶିବରାମ ଙ୍କ ସହିତ ଆଉ ଦୁଇଜଣ ବ୍ୟକ୍ତି ମିଳିତ ଭାବରେ ମାରଣାସ୍ତ୍ର ସହିତ କୋଦାଳ ବେଣ୍ଟ ରେ ଅରୁଣ ଓ ଗୀତାଞ୍ଜଳି ଙ୍କୁ ଆକ୍ରମଣ କରିଥିଲେ l ସ୍ଥାନୀୟ ଲୋକଙ୍କ ହସ୍ତକ୍ଷେପ ପରେ ଶିବରାମ ଘଟଣା ସ୍ଥଳ ଛାଡି ଚାଲିଯାଇଥିବା ବେଳେ ଅରୁଣ ଙ୍କ ପତ୍ନୀ ଙ୍କ ଅଭିଯୋଗ କୁ ନେଇ ଆଦର୍ଶ ଥାନା ପୋଲିସ ତଦନ୍ତ ଆରମ୍ଭ କରିଛି l ତେବେ ମାତ୍ର 1500 ଟଙ୍କା ପାଇଁ ବନ୍ଧୁ ବନ୍ଧୁତା କୁ ଭୁଲିଯାଇ ମରଣାନ୍ତକ ଆକ୍ରମଣ କରିବାକୁ ସାଧାରଣ ଲୋକ ସହଜରେ ଗ୍ରହଣ କରିପାରୁନାହାନ୍ତି l
