ମୁଖ୍ୟ ପୃଷ୍ଟ। / odisha / jagatsinghpur

ଜଗତସିଂହପୁର ( ପି.ଏନ. ଏସ ) : ପୋଲିସ ହେବ ତ ଏମିତି, ଯାହାର ସାଧାରଣ ଲୋକଙ୍କ ପାଇଁ ଖାଲି ଡିଉଟି କରିବା ନୁହେଁ ସାହାଯ୍ୟ କରିବାର ମଧ୍ୟ ମାନସିକତା ଥିବାର ଅନେକ ଆବଶ୍ୟକତା ରହିଛି | ଆଜି ଆମେ ଏମିତି ଜଣେ ପୋଲିସ କର୍ମଚାରୀ ଙ୍କ କଥା କହୁଛୁ ସେ ଖାଲି ଡିଉଟି କରିନାହାନ୍ତି ଜଣଙ୍କ ଜୀବନ ବଞ୍ଚେଇବା ପାଇଁ ଦଉଡି ଚାଲିଆସିଛନ୍ତି ସେ ପୁଣି ନିଜର ରକ୍ତ ଦେଇ |
ସେ ହେଉଛନ୍ତି ଜଗତସିଂହପୁର ଜିଲ୍ଲା ପୋଲିସ ବିଭାଗ ରେ କାର୍ଯ୍ୟରତ ଜଣେ କନେଷ୍ଟବଳ ଶିବପ୍ରସାଦ ମହାନ୍ତି ଯିଏ ଜଗତସିଂହପୁର ମୁଖ୍ୟ ଡାକ୍ତରଖାନାରେ ରକ୍ତ ଦେଇ ଜଣେ ୭୦ ବର୍ଷୀୟ ବୃଦ୍ଧଙ୍କ ଜୀବନ ବଞ୍ଚାଇଛନ୍ତି । ସୂଚନା ମୁତାବକ କଟକ ଜିଲ୍ଲା ନିଆଳି ବ୍ଲକ୍‌ ସିଠାଳ ଅଞ୍ଚଳର ମହେଶ୍ୱର ଗୁଡଙ୍କ ଦେହ ଅସୁସ୍ଥ ଥିବାରୁ ଘର ଲୋକେ ଜଗତସିଂହପୁର ମୁଖ୍ୟ ଚିକିତ୍ସାଳୟ ରେ ଭର୍ତ୍ତି କରିଥିଲେ | ମେଡିକାଲ ରେ ଭର୍ତ୍ତି କଲା ପରେ ଡାକ୍ତର ମହେଶ୍ୱରଙ୍କର ରକ୍ତ ଅତ୍ୟନ୍ତ ଜରୁରୀ ବୋଲି କହିଥିଲେ ହେଲେ ବୁଦ୍ଧ ଙ୍କ ବ୍ଲଡ଼ ଗ୍ରୁପ ବି ନେଗେଟିଭ ହୋଇଥିବାରୁ ଏତେ ସହଜରେ ମିଳିନଥିଲା l ତେବେ ବାପାଙ୍କ ପାଇଁ ରକ୍ତ ଅତି ଆବଶ୍ୟକ ଥିବା ଡାକ୍ତର କହିବା ପରେ ପୁଅ ଚିନ୍ତାରେ ପଡ଼ିଥିଲେ। ସ୍ଥାନୀୟ ରକ୍ତ ଭଣ୍ଡାରକୁ ଯାଇ ଯୋଗାଯୋଗ କରିଥିଲେ ହେଲେ ରକ୍ତ ନ ଥିବା ଯୋଗୁ ଭାଙ୍ଗି ପଡ଼ିଥିଲେ। ଏହି ଘଟଣାର ଖବର ପାଇ ଜଗତସିଂହପୁରର ଅଗ୍ରଣୀ ସ୍ବେଛାସେବୀ ଅନୁଷ୍ଠାନ ନିଃସ୍ୱାର୍ଥ ସେବା ସଂଗଠନ ଚାରିଟେବୁଲ ଟ୍ରଷ୍ଟ ର ସଦସ୍ୟ ମେଡିକାଲ ରେ ପହଞ୍ଚିଥିଲେ। ସୋସିଆଲ ମିଡିଆରେ ରକ୍ତର ଆବଶ୍ୟକତା ଅଛି ବୋଲି ପୋଷ୍ଟ କରିଥିଲେ | ଏହାକୁ ଦେଖି ଜଗତସିଂହପୁର ଜିଲ୍ଲା ପୋଲିସ ବିଭାଗରେ କାର୍ଯ୍ୟ କରୁଥିବା ଶିବପ୍ରସାଦ ମହାନ୍ତି ମେଡିକାଲରେ ପହଞ୍ଚି ରକ୍ତଦାନ କରିଥିଲେ। ଯାହା ଦ୍ୱାରା ବୃଦ୍ଧଙ୍କ ରକ୍ତ ର ଆବଶ୍ୟକତା ପୂରଣ ହୋଇଥିଲା | ତେବେ ଜଣେ ପୋଲିସ କର୍ମଚାରୀଙ୍କ ଏଭଳି ମାନବିକତା ପାଇଁ ସେ ପ୍ରଶଂସାର ପାତ୍ର ପାଲଟିଛନ୍ତି |