ମୁଖ୍ୟ ପୃଷ୍ଟ। / odisha / jagatsinghpur

ପାରାଦ୍ୱୀପ ( ପି.ଏନ. ଏସ ) : ପାରାଦ୍ଵୀପ ର ଡମ୍ପର ମାଲିକ ସଙ୍ଘ ପକ୍ଷରୁ ବାର୍ଷିକ ଉତ୍ସବ ଓ ବନ୍ଧୁମିଳନ କାର୍ଯ୍ୟକ୍ରମ ବୁଧବାର ଗଲ୍ଫ କ୍ଲବ ପରିସରରେ ଅନୁଷ୍ଠିତ ହୋଇଯାଇଛି । ଉକ୍ତ କାର୍ଯ୍ୟକ୍ରମରେ ମୂଖ୍ୟ ଅତିଥି ଭାବେ ଓଡ଼ିଶା ଷ୍ଟିଭେଡୋର ଲିମିଟେଡ(ଓଏସଏଲ) ପରିଚାଳନା ନିର୍ଦ୍ଦେଶକ ମହିମାନନ୍ଦ ମିଶ୍ର ମୂଖ୍ୟ ଅତିଥି ଭାବେ ଯୋଗ ଦେଇଥିଲେ । ସଙ୍ଘ ପକ୍ଷରୁ ଶ୍ରୀ ମିଶ୍ର ଙ୍କୁ ସମ୍ବର୍ଦ୍ଧିତ କରାଯାଇଥିଲା । ସଂଘର ସଭାପତି ବିଜୟ ନାୟକ (ସଦା) ଙ୍କ ସଭାପତିତ୍ଵ ରେ ଆୟୋଜିତ ଏହି କାର୍ଯ୍ୟକ୍ରମରେ ପାରାଦ୍ଵୀପ ଷ୍ଟିଭେଡୋର୍ସ ସଂଘର ଉପସଭାପତି ଅକ୍ଷୟ ସୂତାର,ସମ୍ପାଦକ ଅନ୍ତର୍ଯ୍ୟାମୀ ପଟ୍ଟନାୟକ,ଓଏସଏଲ ନିର୍ଦ୍ଧେଶକ ଚର୍ଚ୍ଚିତ ମିଶ୍ର ପ୍ରମୁଖ ଅଂଶ ଗ୍ରହଣ କରିଥିଲେ । ଅନ୍ୟ ମାନଙ୍କ ମଧ୍ୟରେ ଡମ୍ପର ଆସୋସିଏସନ ସମ୍ପାଦକ ସୁରଜ କୁମାର ବାରିକ,ଉପସଭାପତି ପ୍ରମୋଦ କୁମାର ନାୟକ,ସହକାରୀ ସମ୍ପାଦକ ପ୍ରମୋଦ କୁମାର ସାହୁ ଓ କୋଷାଧ୍ୟକ୍ଷ ଅଜୟ କୁମାର ସାମଲ,ନାରୀ ନେତ୍ରୀ ସବିତା ମହାପାତ୍ର ପ୍ରମୁଖ ଅଂଶ ଗ୍ରହଣ କରିଥିଲେ। ରାଜ ଇଭେଣ୍ଟସ ପ୍ରାଇଭେଟ ଲିମିଟେଡ ପକ୍ଷରୁ ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଏହି ଅବସରରେ ବିଭିନ୍ନ କାର୍ଯ୍ୟକ୍ରମରେ କୃତି ମହିଳା ସଦସ୍ୟା ଙ୍କୁ ୫ ହଜାର ଟଙ୍କା ଲେଖାଏ ପୁରସ୍କାର ପ୍ରଦାନ କରାଯାଇଥିଲା । ଏଥିସହ ସଙ୍ଘର ଉନ୍ନତି ନିମନ୍ତେ ନିରବଚ୍ଛିନ୍ନ ପ୍ରୟାସ କରାଯିବ ବୋଲି ଡମ୍ପର ଆସୋସିଏସନ ସଭାପତି ଶ୍ରୀ ନାୟକ ପ୍ରକାଶ ସୂଚନା ଦେଇଥିଲେ ।