ଦାବି ପୂରଣ ନ ହେବା ପର୍ଯ୍ୟନ୍ତ ଧାରଣାରେ ବସିବାକୁ ଚକ୍ରଧରପୁର ଗ୍ରାମବାସୀଙ୍କ ଚେତାବନୀ ।
pragyansila bureau | 22 Jan 2026 | 7 min read | 5 views
ପାରାଦ୍ୱୀପ ( ପି.ଏନ. ଏସ ) : ଜମି ଦେଲୁ କମ୍ପାନୀ ହେଲା, ହେଲେ ଆମ ଦୁଃଖ ଶୁଣିଲେନି ଏଏମଏନଏସ ଅଧିକାରୀ କିମ୍ବା ପ୍ରଶାସନ l କମ୍ପାନୀ କର୍ତୃପକ୍ଷ ଓ ପ୍ରଶାସନ ଦେଉଛନ୍ତି ବାରମ୍ବାର ପ୍ରତିଶୃତି, ହେଲେ ଏହା କାର୍ଯ୍ୟକାରୀ ହେଉନି, ନିଜର ପୈତୃକ ସମ୍ପତ୍ତି କୁ ଶାଗମାଛ ଦାମରେ କମ୍ପାନୀ କୁ ଦେଲୁ, କମ୍ପାନୀ ତିଆରି ହେଲା,ଏଠି ବାହାର ରାଜ୍ୟ ର ଲୋକଙ୍କୁ ଆଣି କାମ ଦେଉଥିବା ବେଳେ ଆମର ପିଲାଛୁଆ ଙ୍କୁ ଚାକିରୀ ମିଳୁନି l ଯାହାକୁ ନେଇ ଆଜି ସକାଳୁ ପାରାଦୀପ ଗଡ଼ ଚକ୍ରଧର ପୁର ଗ୍ରାମ ନିକଟରେ ଆର୍ସେଲର ମିତ୍ତଲ ନିପ୍ପନ ଷ୍ଟିଲ କମ୍ପାନୀ ର ନିର୍ମାଣଧୀନ ଟାଉନସିପ ଫାଟକ ନିକଟରେ ଧାରଣାରେ ବସି ରହିଛନ୍ତି ଗ୍ରାମବାସୀ l ଗ୍ରାମବାସୀ ଙ୍କ ଅଭିଯୋଗ ଅନୁଯାୟୀ ପାରାଦୀପ ରେ ଏଏମଏନଏସ ନିର୍ମାଣ ପାଇଁ ଆମେ ଶାଗମାଛ ଦରରେ ଖୁବକମ ପଇସାରେ ପ୍ରଦାନ କରିଥଲୁ l କମ୍ପାନୀ ଆମ ପିଲାମାନଙ୍କୁ ନିଯୁକ୍ତି ଦେବାପାଇଁ ପ୍ରତିଶୃତି ଦେଇଥିଲେ l କମ୍ପାନୀ କାମ ଚାଲିବା ପରେ ବାହାର ରାଜ୍ୟ ରୁ ଶ୍ରମିକ ଆଣି କାର୍ଯ୍ୟରେ ଲଗାଉଥିବା ବେଳେ ଆମ ଗ୍ରାମର ପିଲାମାନଙ୍କୁ ନିଯୁକ୍ତି ଦେଉନାହାନ୍ତି l ଯାହାକୁ ନେଇ ପୂର୍ବରୁ ଅନେକଥର ଗ୍ରାମବାସୀ ଧାରଣା ରେ ବସି ରହିବାପରେ ପ୍ରଶାସନ ଓ କମ୍ପାନୀ ଅଧିକାରୀ ଆଲୋଚନା କରିବା ସହିତ ଲେଖାପଢା କରି ଆମ ପିଲାମାନଙ୍କୁ ନିଯୁକ୍ତି ଦେବାକୁ ପ୍ରତିଶୃତି ଦେଇଛନ୍ତି l ହେଲେ ଏହାକୁ କାମରେ କରୁନାହାନ୍ତି, ଆଜି ହେବ କାଲିହେବ କହି ଆମ ଗ୍ରାମବାସୀ ଙ୍କ ସହିତ ଖେଳ ଖେଳୁଛନ୍ତି l ବହୁତ ହୋଇଗଲା ଆଉ କମ୍ପାନୀ ହେଉ କିମ୍ବା ପ୍ରଶାସନ ର କଥା କୁ ଶୂନିବୁନି, ଜେ ପର୍ଯ୍ୟନ୍ତ କମ୍ପାନୀ ଆମ ପିଲାଙ୍କୁ ନିଯୁକ୍ତି ଦେଇନି ଏବଂ ଆମ ଗ୍ରାମବାସୀ ଙ୍କ ଦାବି ପୂରଣ କରିନାହିଁ ସେ ପର୍ଯ୍ୟନ୍ତ ଅନିର୍ଦ୍ଧିଷ୍ଟ କାଳ ପର୍ଯ୍ୟନ୍ତ ଧାରଣା ରେ ବସି ରହିବାକୁ ଚେତାବନୀ ଦେଇଛନ୍ତି ଧାରଣାରତ ଚକ୍ରଧରପୁର ଗ୍ରାମବାସୀ l
