ମୁଖ୍ୟ ପୃଷ୍ଟ। / odisha / jagatsinghpur

ପାରାଦ୍ୱୀପ ( ପି.ଏନ. ଏସ ) : ଜଙ୍ଗଲ କଟାଯିବା ପରେ ସହର ଓ ବସ୍ତି ମୁହାଁ ବିରଳ ହରିଣ ଗତ ଦୁଇମାସ ଭିତରେ ଏକାଧିକ ବାର ବିରଳ ହରିଣ ପାରାଦ୍ଵୀପ ସହର ଓ ବସ୍ତି ଭିତରକୁ ପଶି ମୃତ୍ୟୁ ମୁଖରେ ପଡୁଥିବା ଦେଖିବାକୁ ମିଳିଛି। ତେବେ ଆଜି ସକାଳୁ ଷଣ୍ଢକୁଦ ବସ୍ତି ଭିତରେ ଏକ ଅଣ୍ଡିରା ହରିଣ ପଶିଯିବା ସହିତ ଜଣଙ୍କ ଘର ଭିତରକୁ ପଶିଯାଇଥିଲା । ସ୍ଥାନୀୟ ଲୋକେ ଏହାକୁ ଉଦ୍ଧାର କରି ସମୁଦ୍ର କୂଳ ଜଙ୍ଗଲ ରେ ଛାଡି ଦେଇଛନ୍ତି। ସୂଚନା ମୁତାବକ ପ୍ରସ୍ତାବିତ ଜେଏସଡବ୍ଲ୍ୟୁ ପ୍ରକଳ୍ପ ନିକଟରେ ଥିବା ବିସ୍ତୀର୍ଣ୍ଣ ଜଙ୍ଗଲ ଗୁଡିକ କଟାଯିବା ପରେ ଏହି ଜଙ୍ଗଲରେ ରହୁଥିବା ହରିଣ, ହନିବ୍ରାଜର, କୁଜି ହରିଣ, ହେଟାବାଘ, ଶିଆଳ ପ୍ରଭୃତି ବିରଳ ବନ୍ୟଜନ୍ତୁ ଏବେ ବାସହରା ହୋଇ ଗାଁ ଓ ସହର ମୁହାଁ ହୋଇ ମୃତ୍ୟୁ ମୁଖରେ ପଡୁଛନ୍ତି । ଗତ ଡିସେମ୍ବର ମାସରେ ପାରାଦ୍ଵୀପ ବନ୍ଦର ର ନିଷିଦ୍ଧାଞ୍ଚଳ ବର୍ଥ ପାଣିରେ ଏକ ହରିଣ ପହରୁଥିବା ବେଳେ ସ୍ଥାନୀୟ କର୍ମଚାରୀ ତାକୁ ଉଦ୍ଧାର କରି ବନ ବିଭାଗ କୁ ହସ୍ତାନ୍ତର କରିଥିଲେ । ଏପରିକି ହରିଣ ଗୁଡ଼ିକ କୁକୁର କାମୁଡ଼ାରେ ମୃତ୍ୟୁ ମୁଖରେ ପଡୁଥିବା ମଧ୍ୟ ପୂର୍ବରୁ ନଜିର ମଧ୍ୟ ରହିଛି ।