ମୁଖ୍ୟ ପୃଷ୍ଟ। / odisha / jagatsinghpur

ପାରାଦ୍ୱୀପ ( ପି.ଏନ. ଏସ ) : ଦେବ ଦେବ ମହାଦେବଙ୍କ ବିବାହ ଉତ୍ସବ ବନ୍ଦର ନଗରୀ ପାରାଦୀପରେ ବଡ ଧୂମ, ଧାମରେ ପାଳିତ ହୋଇଯାଇଛି। ଏହି ଅବସରରେ ବଡପଡିଆ ନିକଟସୁ ପାରେଶ୍ବର ଶୈବ ମନ୍ଦିରରେ ଥିବା ଦେବ ଦେବ ମହାଦେବଙ୍କ ବିବାହ ଉତ୍ସବ ଅନୁଷ୍ଠିତ ହୋଇଥିଲା। ବାଜା ରୋଷଣୀରେ ପ୍ରକମ୍ପିତ ହୋଇଥିଲା ବନ୍ଦର ନଗରୀ ପାରାଦୀପ। ଦେବ ଦେବ ମହାଦେବଙ୍କୁ ବାଜା ରୋଷଣୀରେ ନେଇ ସହର ପରିକ୍ରମା କରି ମନ୍ଦିର ପରିସରରେ ପହଁଚିବା ପରେ ଯଥା ରିତୀ ଅନୁଯାୟୀ ଦେବ ବିବାହ ଅନୁଷ୍ଠିତ ହୋଇଥିଲା । ପରେ ଦେବଦେବ ମହାଦେବ ଓ ମାତା ପାର୍ବତୀଙ୍କ ବିଳମ୍ବିତ ରାତିରେ ହସ୍ତଗଣ୍ଠି ପଡିବା ପରେ ବିବାହ ସମ୍ପନ୍ନ ହୋଇଥିଲା । ଏହି ଦେବ ବିବାହକୁ ଦେଖିବା ପାଇଁ ଶ୍ରଦ୍ଧାଳୁଙ୍କ ପ୍ରବଳ ଭିଡ ଜମିଥିଲା।