କନିଷ୍ଠ ଖଣି ଅଧିକାରୀଙ୍କୁ ଗାଳିଗୁଲଜ ନେଇ ଥାନାରେ ଏତଲା ।
pragyansila bureau | 13 Jan 2026 | 5 min read | 9 views
ନାଉଗାଁ ( ପି.ଏନ. ଏସ ) : କନିଷ୍ଠ ଖଣି ଅଧିକାରୀ ବେଆଇନ ମାଟି ଖୋଳା ନିକଟରେ ଚଢ଼ାଉ ସମୟରେ ଗ୍ରାମବାସୀ ଙ୍କ ବିରୋଧ ଘଟଣା ରେ ଥାନାର ଦ୍ୱାରସ୍ତ ହେଲେ ଅଧିକାରୀ l ସୂଚନା ମୁତାବକ ଜଗତସିଂହପୁର ଜିଲ୍ଲା ନାଉଗାଁ ଥାନା ଅନ୍ତର୍ଗତ ଗଳଦାରିରେ କନିଷ୍ଠ ଖଣି ଅଧିକାରୀଙ୍କୁ ଘେରିଗଲେ ଶତାଧିକ ଗ୍ରାମବାସୀ । ନାଉଗାଁ ତହସିଲ ଅଧୀନ ଏକ ଚାଷ ଜମିରେ ବେଆଇନ୍ ଭାବରେ ମାଟି ଖୋଳା ଯାଉଥିବା ଖବର ପାଇ କନିଷ୍ଠ ଖଣି ଅଧିକାରୀ ଘଟଣା ସ୍ଥଳକୁ ଯାଇଥିଲେ । ମାଟିଖୋଳା କାର୍ଯ୍ୟରେ ନିୟୋଜିତ ଥିବା ଏକ ଟ୍ରାକ୍ଟର, ଯେସିବି ମେସିନ ଉପରେ ଜରିମନା କରାଯିବ ବୋଲି କହିଥିଲେ। । ଅନ୍ୟପଟେ ନିଜ ଜମିରୁ ମାଟି ଉଠାଇ ପାଖ ଖାଲ ଜମି ପୋତାଯାଉଥିବା ଦର୍ଶାଇ ଜମୀ ମାଲିକ ବିରୋଧ କରିଥିଲେ । କଥା ପ୍ରଘଟ ହେବା ପରେ ଆଖ ପାଖ ଲୋକେ ରୁଣ୍ଡ ହେବା ସହ ଖଣି ଅଧିକାରୀଙ୍କ ନିଷ୍ପତି କୁ ବିରୋଧ କରିଥିଲେ । ଯାହା ଫଳରେ ଘଟଣା ସ୍ଥଳରେ ଉତେଜନା ପ୍ରକାଶ ପାଇଥିଲା । କନିଷ୍ଠ ଖଣି ଅଧିକାରୀ ଉପ ଜିଲ୍ଲାପାଳ ଓ ନାଉଗାଁ ତହସିଲ ଅଧିକାରୀ ଙ୍କୁ ଜଣାଇବା ପରେ ସ୍ଥାନୀୟ ପୋଲିସ ସାହାଯ୍ୟରେ ତାଙ୍କୁ ଉଦ୍ଧାର କରାଯାଇଥିଲା । ଆଜି କନିଷ୍ଠ ଖଣି ଅଧିକାରୀ ଜୀତେନ୍ଦ୍ର କୁମାର ଦାସ ସଂପୃକ୍ତ ଘଟଣାକୁ ନେଇ ନାଉଗାଁ ଥାନାରେ ଲିଖିତ ଅଭିଯୋଗ କରିଛନ୍ତି । ତାଙ୍କୁ ଅନେକ ଲୋକେ ଘେରି ଯିବା ସହିତ ଖରାପ ଭାଷାରେ ଗାଳି ଗୁଲଜ ଓ ଧମକ ଦେଇଥିବା ଅଭିଯୋଗ ରେ ସେ ଦର୍ଶାଇଛନ୍ତି । ନାଉଗାଁ ପୋଲିସ ଘଟଣାର ତଦନ୍ତ ଆରମ୍ଭ କରିଛି ।
