ମୁଖ୍ୟ ପୃଷ୍ଟ। / odisha / jagatsinghpur

ପାରାଦ୍ୱୀପ ( ପି.ଏନ. ଏସ ) : ବାଂଲାଦେଶୀ ସନ୍ଦେହ ରେ ଜଣେ ବ୍ୟକ୍ତି କୁ ଅଟକ ରଖିବା ସହିତ ଖୋଳତାଡ଼ ଆରମ୍ଭ କରିଛି ମେରାଇନ ପୋଲିସ। ପାରାଦୀପ ମାଛଧରା ବନ୍ଦର ମଧ୍ୟରେ ଏକ ବୋଟ ରେ ଉକ୍ତ ବ୍ୟକ୍ତି ଜଣକ କାର୍ଯ୍ୟ କରୁଥିବା ବେଳେ ବୋଟ ମାଲିକ ଙ୍କ ସନ୍ଦେହ ହେବାରୁ ସେ ମେରାଇନ ପୋଲିସ କୁ ଖବର ଦେଇଥିଲେ। ଯାହାକୁ ଆଧାର କରି ମେରାଇନ ପୋଲିସ ମାଛଧରା ବନ୍ଦର ରାସ୍ତା ରୁ ଉକ୍ତ ବ୍ୟକ୍ତିକୁ ଧରି ଥାନାକୁ ଆଣିବା ସହିତ ତଦନ୍ତ ଆରମ୍ଭ କରିଛି। ଉକ୍ତ ବ୍ୟକ୍ତି ଜଣକ ବାଂଲାଦେଶୀ କିମ୍ବା ଭାରତୀୟ ନାଗରିକ ଏ ନେଇ ପୋଲିସ ତରଫରୁ ପଚରା ଉଚରା ଜାରି ରହିଛି। ଜଳପଥ ଦେଇ ସନ୍ଦିଗ୍ଧ ବାଂଲାଦେଶୀ ଅନୁପ୍ରବେଶ ପ୍ରସଙ୍ଗକୁ ନେଇ ସମସ୍ତ ମେରାଇନ ପୋଲିସ ସଜାଗ ରହିଥିବା ସହିତ ଉପକୂଳ ସମୁଦ୍ର ରେ ମଧ୍ୟ କଡାକଡି ପେଟ୍ରୋଲିଙ୍ଗ ଜାରି ରହିଛି ଏହା ସହିତ ମେରାଇନ ପୋଲିସକୁ ଏକ ଅତ୍ୟାଧୁନିକ ବୋଟ ପ୍ରଦାନ କରାଯାଇଛି ଯାହାଦ୍ୱାରା ସମୁଦ୍ର ମଧ୍ୟରେ ପ୍ରହରା କଡାକଡି ହେବ ବୋଲି କହିଛନ୍ତି ଏସପି। ଅଟକ ଥିବା ସନ୍ଦିଗ୍ଧ ବ୍ୟକ୍ତିକୁ ଜେରା ପରେ ପ୍ରକୃତ ତଥ୍ୟ ଜଣାପଡିବ ବୋଲି କହିଛନ୍ତି ଏସପି ଅଙ୍କିତ କୁମାର ବର୍ମା।