ମୁଖ୍ୟ ପୃଷ୍ଟ। / odisha / jagatsinghpur

ପାରାଦ୍ୱୀପ ( ପି.ଏନ. ଏସ ) : ଜଗତସିଂହପୁର ଜିଲ୍ଲା ର ପଡୋଶୀ ଜିଲ୍ଲାରେ ଡାଇରିଆ ବ୍ୟାପୁଥିବା ବେଳେ ପାରାଦ୍ଵୀପ ମ୍ୟୁନିସିପାଲଟି ପକ୍ଷରୁ ଏକ ଆଗୁଆ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି। ମ୍ୟୁନିସିପାଲଟି ସଭାଗୃହ ରେ ଅନୁଷ୍ଠିତ ଏହି ସମିକ୍ଷା ବୈଠକ ରେ ପାରାଦ୍ଵୀପ ଅତିରିକ୍ତ ଜିଲ୍ଲାପାଳ ନିରଞ୍ଜନ ବେହେରା ଅଧ୍ୟକ୍ଷତା କରିଥିବା ବେଳେ, ଅଠରବାଙ୍କି ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରର ଅଧିକାରୀ ଡାକ୍ତର ବସନ୍ତ ରାଉତ, ପୈାରାଧକ୍ଷ ବସନ୍ତ ବିଶ୍ବାଳ, ମ୍ୟୁନିସିପାଲଟି କାର୍ଯ୍ୟନିର୍ବାହୀ ଅଧିକାରୀ ଙ୍କ ସମେତ ପାରାଦ୍ଵୀପ ବନ୍ଦର ଚିକିତ୍ସାଳୟର ବିଭାଗୀୟ ଅଧିକାରୀ ଓ ବିଭିନ୍ନ ଓ୍ବାର୍ଡ ର ପରିମଳ ବିଭାଗ କର୍ମଚାରୀ ଯୋଗଦେଇଥିଲେ। ବର୍ତ୍ତମାନ ସୁଦ୍ଧା ପାରାଦ୍ଵୀପ ରେ କୈାଣସି ଡାଇରିଆ ରୋଗୀ ଚିହ୍ନଟ ହୋଇନଥିଲେ ମଧ୍ୟ ବର୍ଷା ଆରମ୍ଭ ହୋଇଥିବା ଯୋଗୁଁ ଜଳ ନିସ୍କାସନ, ଡେଙ୍ଗୁ, ମେଲେରିଆ ପାଇଁ ବିଭିନ୍ନ ପଦକ୍ଷେପ ଓ ପରିମଳ ବ୍ୟବସ୍ଥାକୁ ତ୍ୱରାନ୍ୱିତ କରିବା ପାଇଁ ନିଷ୍ପତି ନିଆଯାଇଛି। ସେହିପରି ଶୁଦ୍ଧ ପିଇବା ପାଣି ଯୋଗାଇ ଦେବା ଉପରେ ଗୁରୁତ୍ବ ଦିଆଯାଇଛି। ଯଦି କୈାଣସି କାରଣରୁ ଡାଇରିଆ ରୋଗୀ ଚିହ୍ନଟ ହୁଅନ୍ତି ତେବେ ଏହାକୁ କିପରି ପ୍ରତିରୋଧ କରାଯିବ, ସେ ସମ୍ପର୍କରେ ବିଷଦ ଆଲୋଚନା ହୋଇଛି। ଆଗୁଆ ପଦକ୍ଷେପ ସ୍ବରୂପ ପୈାରପରିଷଦ ପକ୍ଷରୁ ବିଭିନ୍ନ ସ୍ଥାନରେ ଖୋଲା ଯାଉଥିବା ଉଠା ଦୋକାନ, ଗୁପଚୁପ ଓ ଫାଷ୍ଟ ଫୁଡ୍ ଦୋକାନ କୁ ବନ୍ଦ କରାଯିବ ବୋଲିି ପୈାରାଧ୍ୟକ୍ଷ ପ୍ରକାଶ କରିଛନ୍ତି।