ମୁଖ୍ୟ ପୃଷ୍ଟ। / odisha / jagatsinghpur

ପାରାଦ୍ୱୀପ ( ପି.ଏନ. ଏସ ) : ପାରାଦୀପ ବନ୍ଦର ୧୯୬୨ ମସିହା ଜାନୁଆରୀ ୩ ତାରିଖରେ ତତ୍କାଳୀନ ଭାରତର ପ୍ରଧାନମନ୍ତ୍ରୀ ପଣ୍ଡିତ ଜବାହରଲାଲ ନେହେରୁ ଓ ଓଡିଶା ମୁଖ୍ୟମନ୍ତ୍ରୀ ବିଜୁ ପଟନାୟକ ଙ୍କ କରକାମଳରେ ଶୁଭ ଉଦଘାଟନ ହୋଇଥିଲା l ଆଜି ପାରାଦୀପ ବନ୍ଦର ପ୍ରଗତିର ଶୀର୍ଷରେ ପହଞ୍ଚିଛି l ପାରାଦୀପ ବନ୍ଦର କତ୍ତୃପକ୍ଷ ଏହି ପ୍ରତିଷ୍ଠା ଦିବସ ଉପଲକ୍ଷେ ବିଭିନ୍ନ କାର୍ଯ୍ୟକ୍ରମ କରି ଆସୁଛନ୍ତି l ପାରାଦୀପ ବନ୍ଦର ପ୍ରତିଷ୍ଠାର ଏହି ସ୍ମରଣୀୟ ଦିବସକୁ ପାଳନ କରିବାକୁ ଯାଇ ପୂଜ୍ୟ ପୂଜକ ବାବା ବଳିଆ ଙ୍କ ଟ୍ରଷ୍ଟ ପକ୍ଷରୁ ନେହେରୁବଙ୍ଗଳା ସ୍ଥିତ ଶିବ ମନ୍ଦିର ପରିସରରେ ବୃକ୍ଷ ରୋପଣ କାର୍ଯ୍ୟକ୍ରମ କରାଯାଇ ପରିବେଶ ସୁସ୍ଥ ପୃଥିବୀ ଶାନ୍ତ ଏହି ବାର୍ତ୍ତା ପ୍ରଦାନ କରାଯାଇଥିଲା l ଟ୍ରଷ୍ଟର ବରିଷ୍ଠ ତତ୍ୱାବଧାରକ ଆନନ୍ଦ ବ୍ରହ୍ମ ଦାସଙ୍କ ପୌରାହିତ୍ୟରେ ଆୟୋଜିତ ଏହି କାର୍ଯ୍ୟକ୍ରମରେ ପାରାଦୀପ ପୌରାଧ୍ୟକ୍ଷ ବସନ୍ତ ବିଶ୍ଵାଳ ମୁଖ୍ୟ ଅତିଥି ଭାବେ ଯୋଗଦେଇ ବୃକ୍ଷ ରୋପଣ କରିଥିଲେ l ଅନ୍ୟମାନଙ୍କ ମଧ୍ୟରେ ସମାଜସେବୀ ଆଲୋକ ମହାପାତ୍ର, ନେହେରୁବଙ୍ଗଳା ର ନରେଶ ସାହୁ, ଅଜୟ ସେଠୀ, ରଞ୍ଜିତ ରାୟ, ଦିବ୍ୟଜୋତି ଲେଙ୍କା,ଏନାଲିନା ମହାପାତ୍ର ଙ୍କ ସମେତ ବହୁ ସ୍ଥାନୀୟ ଜନସାଧାରଣ ଯୋଗଦେଇ କାର୍ଯ୍ୟକ୍ରମକୁ ସଫଳ କରିଥିଲେl