ଆଦିଦେବ ଏଣ୍ଟରଟେନମେଣ୍ଟ ପକ୍ଷରୁ ପାରାଦୀପରେ ସୌନ୍ଦର୍ଯ୍ୟ ପ୍ରତିଯୋଗିତା ପାଇଁ ଜାନୁଆରୀ ୪ ରେ ଦ୍ଵିତୀୟ ଚୟନ ପ୍ରକ୍ରିୟା ।
Alok Kumar Mohapatra | 01 Jan 2026 | 5 min read | 11 views
ପାରାଦ୍ୱୀପ ( ପି.ଏନ. ଏସ ) : ପାରାଦ୍ଵୀପ ର ଅଗ୍ରଣୀ ସାଂସ୍କୃତିକ ସଂଗଠନ ଆଦିଦେବ ଏଣ୍ଟରଟେନମେଣ୍ଟ ର ପ୍ରଥମ ମେଗା ସୌନ୍ଦର୍ଯ୍ୟ ପ୍ରତିଯୋଗିତା ପାଇଁ ପାରାଦୀପ ପୋର୍ଟ କ୍ଳବ ଠାରେ ଗତ ଡିସେମ୍ବର ୨୧ ତାରିଖରେ ପ୍ରଥମ ଚୟନ ପ୍ରକ୍ରିୟା ଆୟୋଜିତ ହୋଇଥିଲା l ଏହି ପ୍ରତିଯୋଗିତାରେ ପାରାଦୀପ ପରି, ପାରାଦ୍ଵୀପ ରାଜକୁମାରୀ ଓ ପାରାଦୀପ ଶ୍ରୀମତୀ ତିନିଗୋଟି ବିଭାଗ ର ପ୍ରଥମ ପର୍ଯ୍ୟାୟ ଅଡିସନ ସରିଛି l ଏବଂ ଏହି ପ୍ରତିଯୋଗିତା ପାଇଁ ୩୦ ଜଣ ଚୟନ ହୋଇଥିବା ବେଳେ ବିଭିନ୍ନ ଅଞ୍ଚଳର ଆଶାୟୀ ଯୁବତୀ ଓ ମହିଳା ପ୍ରତିଯୋଗୀଙ୍କ ଅନୁରୋଧ କ୍ରମେ ଏହାର ଦ୍ଵିତୀୟ ଚୟନ ପ୍ରକ୍ରିୟା ଆସନ୍ତା ଜାନୁଆରୀ ୪, ୨୦୨୬ ରେ ମଧୁବନ ସ୍ଥିତ ଶ୍ରମିକ ଭବନ ଠାରେ ଅନୁଷ୍ଠିତ ହେବାକୁ ଯାଉଥିବା ନେଇ ଆଦିଦେବ ଅନୁଷ୍ଠାନର ଅଧ୍ୟକ୍ଷା ଡ଼ଃ ବନ୍ଦିତା ପଟ୍ଟନାୟକ ସୂଚନା ଦେଇଛନ୍ତି l ପାରାଦୀପ ଅଞ୍ଚଳର କଳା, ସାହିତ୍ୟ, ନୃତ୍ୟ କ୍ଷେତ୍ରରେ ଲୁକାୟିତ ପ୍ରତିଭା ମାନଙ୍କୁ ଲୋକଲୋଚନ କୁ ଆଣିବା ସହିତ ଏହି ପ୍ରତିଭା ମାନେ କିପରି ରାଜ୍ୟ ଓ ଦେଶରେ ସୁନାମ ଅର୍ଜନ କରିବେ ଏହା ଆଦିଦେବ ଏଣ୍ଟରଟେନମେଣ୍ଟ ର ମୁଖ୍ୟ ଉଦ୍ଦେଶ୍ୟ ବୋଲି କହିଛନ୍ତି ଡ଼ଃ. ବନ୍ଦିତା ପଟ୍ଟନାୟକ l
