କଥା ଦେଇ କଥା ରଖିଲେ ସମ୍ପଦ ।
pragyansila bureau | 29 Dec 2025 | 6 min read | 7 views
ପାରାଦ୍ୱୀପ ( ପି.ଏନ. ଏସ ) : ନିର୍ବାଚନ ସମୟରେ ଦେଇଥିବା ପ୍ରତିଶୃତି କୁ ପାଳନ କରିଛନ୍ତି ଶିଳ୍ପମନ୍ତ୍ରୀ l ଯାହାକୁ ନେଇ ପାରାଦ୍ଵୀପ ପୌରପାଳିକା ଅନ୍ତର୍ଗତ ପାଞ୍ଚନମ୍ବର ୱାର୍ଡ ବାଲିଝରା ଠାରେ ଶିଳ୍ପମନ୍ତ୍ରୀଙ୍କୁ ଭବ୍ୟ ସ୍ୱାଗତ ଓ ସମ୍ବର୍ଦ୍ଧନା ଜଣାଇଛନ୍ତି ବାଲିଝରା ବାସିନ୍ଦା l ବାଲିଝରା-ମହାବୀର କଲୋନୀ ରାସ୍ତା ଏବଂ ବାଲିଝରା ଖେଳପଡ଼ିଆର ଉନ୍ନତିକରଣ ପାଇଁ ଶିଳାନ୍ୟାସ କରିବା ସହ ପାରାଦ୍ଵୀପ ଫସଫେଟ୍ ଲିମିଟେଡ୍ ର ସିଏସ୍ଆର୍ ଫଣ୍ଡ୍ ସହାୟତାରେ ବାଲିଝରା ଠାରେ କମ୍ୟୁନିଟି ହଲର ଉଦଘାଟନ ଓ କମ୍ୟୁନିଟି ଆରଓ ପ୍ଲାଣ୍ଟ୍ ନିର୍ମାଣ ପାଇଁ ଭିତ୍ତିପ୍ରସ୍ତର ସ୍ଥାପନ କରିଛନ୍ତି ଶିଳ୍ପମନ୍ତ୍ରୀ l ଏହି ପ୍ରକଳ୍ପ ଗୁଡିକ ନିର୍ମାଣ ହେଲେ ସ୍ଥାନୀୟ ଜନସାଧାରଣଙ୍କ ଆବଶ୍ୟକତା ପୂରଣ କରିବା ସହିତ ସହରର ବିକାଶ ଦିଗରେ ସହାୟକ ହୋଇପାରିବ l ଯାହା ଶିଳ୍ପମନ୍ତ୍ରୀଙ୍କ ବିକଶିତ ପାରାଦୀପ ଗଠନ ର ନାରା ଆଜି ସଫଳ ସାବ୍ୟସ୍ତ ହେବାକୁ ଯାଉଛି ବୋଲି କହିଛନ୍ତି ବାଲିଝରା ବସ୍ତି ବାସିନ୍ଦା l ଆମ ସରକାର ଲୋକଙ୍କ ସରକାର, ଆମର ପ୍ରଥମ ଲକ୍ଷ ଲୋକଙ୍କ ସମସ୍ୟା ସମାଧାନ କରିବା, ଯାହାକୁ ପ୍ରାଥମିକତା ଦେଇ ନିରନ୍ତର ଭାବରେ କାର୍ଯ୍ୟ କରି ଆସୁଛନ୍ତି ମୋହନ ସରକାର l ପାରାଦୀପ କୁ କିଭଳି ବିକଶିତ ପାରାଦ୍ଵୀପ ଗଠନ କରାଯାଇପାରିବ ଏ ଦିଗରେ ଆମ ସରକାର ସମସ୍ତ ପ୍ରୟାସ ଆରମ୍ଭ କରିଛନ୍ତି, ଆଗାମୀ ଦିନରେ ପାରାଦ୍ଵୀପ ରେ ଅନେକ ବୃହତ ପ୍ରକଳ୍ପ ନିର୍ମାଣ ହେବା ସହିତ ସ୍ଥାନୀୟ ଅଞ୍ଚଳର ଯୁବକ ଯୁବତୀ ମାନଙ୍କୁ ନିଯୁକ୍ତି ର ଭରପୁର ସୁଯୋଗ୍ ମିଳିବ ବୋଲି କହିଛନ୍ତି ଶିଳ୍ପମନ୍ତ୍ରୀ l ବାଲିଝରା ବାସିନ୍ଦା ଙ୍କ ସ୍ନେହ ଶ୍ରଦ୍ଧା ଓ ସମ୍ବର୍ଦ୍ଧନା ସବୁଦିନ ପାଇଁ ମୋର ହୃଦୟ ରେ ରହିବ ବୋଲି କହିଛନ୍ତି ଶିଳ୍ପମନ୍ତ୍ରୀ ସମ୍ପଦ ଚନ୍ଦ୍ର ସ୍ୱାଇଁ l
