ପାରାଦ୍ଵୀପ ବନ୍ଦରରେ ଆଉ ଏକ ମାଇଲଖୁଣ୍ଟ ସ୍ଥାପନ, କେଆଇସିଟି ବର୍ଥରେ ଲାଗିଲା ସର୍ବାଧିକ ପାର୍ସଲ ସାଇଜ କୋଇଲା ବୋଝେଇ ଜାହାଜ ।
Alok Kumar Mohapatra | 27 Dec 2025 | 4 min read | 12 views
ପାରାଦ୍ୱୀପ ( ପି.ଏନ. ଏସ ) : ପାରାଦ୍ଵୀପ ବନ୍ଦରର କେଆଇସିଟି ବର୍ଥରେ ଡିସେମ୍ବର ୨୬ ତାରିଖରେ, ଏମଭି କାର୍ଡିନାଲ ଭିକ୍ଟୋରୀ ନାମକ ଏକ ବୃହତ କୋଇଲା ବୋଝେଇ ଜାହାଜ ଲାଗିଛି । କଳିଙ୍ଗ ଇଣ୍ଟରନ୍ୟାସନାଲ କୋଲ୍ ଟର୍ମିନାଲ ପାରାଦୀପ ପୋର୍ଟ ପ୍ରାଇଭେଟ୍ ଲିମିଟେଡ୍ (କେଆଇସିଟିପିପିଏଲ) ଦ୍ୱାରା ପରିଚାଳିତ କେଆଇସିଟି ବର୍ଥରେ ଏହି ଜାହାଜ ପ୍ରଥମ ଥର ଲାଗିବା ଦ୍ଵାରା ଏକ ପ୍ରମୁଖ ମାଇଲଖୁଣ୍ଟ ହାସଲ କରିଛି । ଏହି ଜାହାଜରେ ରେକର୍ଡ ସର୍ବାଧିକ ୧,୫୬,୪୦୦ ମେଟ୍ରିକ୍ ଟନ୍ କୋଇଲା ଆମଦାନୀ କରାଯାଇଛି । ଟିଏସଏଲ ଏବଂ ଏନଆଇଏନଏଲ ପାଇଁ ଏହି ଜାହାଜ କୋକିଂ କୋଇଲା ଏବଂ ପିସିଆଇ କୋଇଲା ଆମଦାନୀ ହୋଇଛି । ଏଥିରେ ଟିଏସଏଲ ସଂସ୍ଥାର ୪୬ ହଜାର ମେଟ୍ରିକ ଟନ କୋକିଂ ବା ଜାଳେଣି କୋଇଲା ଏବଂ ୯୦ ହଜାର ୪ ଶହ ମେଟ୍ରିକ ଟନ ପିସିଆଇ କୋଇଲା ରହିଥିବା ବେଳେ ଏନଆଇଏନଏଲ ର ୨୦ ହଜାର ମେଟ୍ରିକ ଟନ ଜାଳେଣି କୋଇଲା ରହିଛି ଶେଷ ଖବର ଯାଏଁ ଏଥିରୁ କୋଇଲା ଖଲାସ ଜାରି ରହିଛି l
