ମୁଖ୍ୟ ପୃଷ୍ଟ। / odisha / jagatsinghpur

ପାରାଦ୍ୱୀପ ( ପି.ଏନ. ଏସ ) : ସାହିତ୍ୟ ହେଉଛି ସମାଜର ହୃତପିଣ୍ଡ ଓ ଏହାକୁ ବାଦଦେଇ ସୁନ୍ଦର ସମାଜର ପରିକଳ୍ପନା କରାଯାଇ ପାରିବ ନାହିଁ ବୋଲି ମୋନାଲିସା ସାହିତ୍ୟ ସଂସଦର ଶୀତ ଆସରରେ ମତ ପ୍ରକାଶ ପାଇଛି । ପାରାଦୀପର ଅଗ୍ରଣୀ ସାରସ୍ଵତ ଅନୁଷ୍ଠାନ ମୋନାଲିସା ସାହିତ୍ଯ ସଂସଦର ଶୀତ ଆସର ସ୍ତମ୍ଭକାର ଅକ୍ଷୟ କୁମାର ରାଉତଙ୍କ ଅଧ୍ଯକ୍ଷତାରେ ବନ୍ଦର ଶ୍ରମିକ ସଂଘ ସଭାଗୃହରେ ଅନୁଷ୍ଠିତ ହୋଇଯାଇଛି । ଅତିଥି ଭାବରେ ଶ୍ରମିକନେତା ଅନନ୍ତ କୁମାର ଦାସ, ପ୍ରଶାନ୍ତ କୁମାର ରାଉତ ଯୋଗଦେଇ କାବ୍ୟ କବିତାରେ ଶୀତ ଋତୁର ବର୍ଣ୍ଣନା ବହୁ ପ୍ରାଚୀନ ବୋଲି କହିଥିଲେ । ବିଜୟ ନାୟକଙ୍କ ସଂଯୋଜନାରେ ପ୍ରେମଲତା ବାରିକ, ଧରିତ୍ରୀ ସାମଲ, ପୁଷ୍ପା ଦାସ, ଭାଗ୍ୟଶ୍ରୀ ପ୍ରଧାନ, ନଳିନୀପ୍ରଭା ସାହୁ, ଟୁନି ଖୋଜି, ଅନନ୍ତ ଦାସ, ପ୍ରଶାନ୍ତ ରାଉତ, ନିମାଁଇ ମହାପାତ୍ର, ବାବାଜୀ ନାୟକ ପ୍ରମୁଖ ଶୀତ ଶୀର୍ଷକ କବିତା ପାଠ କରିଥିଲେ । ପ୍ରାରମ୍ଭରେ ସଂପାଦିକା ସଂଘମିତ୍ରା ସ୍ବାଇଁ ବାର୍ଷିକ ବିବରଣୀ ପାଠ କରିଥିଲେ ଏବଂ ତୁଳସୀ ବରାଳ ଧନ୍ୟବାଦ ଅର୍ପଣ କରିଥିଲେ।