ଦକ୍ଷିଣପୂର୍ବ ରେଳବାଇ ବିଦ୍ୟାଳୟ ୧୯୮୩ ବ୍ୟାଚର 'ବନ୍ଧୁ ପାଇଁ ଦିନଟିଏ' କାର୍ଯ୍ୟକ୍ରମ ।
Alok Kumar Mohapatra | 17 Dec 2025 | 5 min read | 16 views
ପାରାଦ୍ୱୀପ ( ପି.ଏନ. ଏସ ) : ଦକ୍ଷିଣ ପୂର୍ବ ରେଳବାଇ ମିଶ୍ରିତ ବିଦ୍ୟାଳୟ ୧୯୮୩ ମ୍ୟାଟ୍ରିକ ବ୍ୟାଚର ଏକ ବାର୍ଷିକ ବନ୍ଧୁମିଳନ 'ବନ୍ଧୁ ପାଇଁ ଦିନଟିଏ' କାର୍ଯ୍ୟକ୍ରମ ଗତ ରବିବାର ଦିନ ଭୁବନେଶ୍ୱର ସ୍ଥିତ ଶୀତଲ ହୋଟେଲ ଠାରେ ଅନୁଷ୍ଠିତ ହୋଇଯାଇଛି l ଏହି କାର୍ଯ୍ୟକ୍ରମରେ ସୁଦୂର ରାଉରକେଲା, ମୁମ୍ବାଇ, କଲିକତା ଓ ଦେଶର ବିଭିନ୍ନ ପ୍ରାନ୍ତରେ ଅବସ୍ଥାପିତ ପୁରାତନ ଛାତ୍ରଛାତ୍ରୀ ଓ ସେମାନଙ୍କ ପରିବାର ର ସଦସ୍ୟ ମାନେ ଯୋଗ ଦେଇଥିଲେ l ଏହି କାର୍ଯ୍ୟକ୍ରମକୁ ପୁରାତନ ଛାତ୍ର ତଥା ବର୍ତ୍ତମାନର ଭାରତୀୟ ରିଜର୍ଭ ବ୍ୟାଙ୍କର ଡେପୁଟି ଗଭର୍ଣ୍ଣର ଶିଶିର ଚନ୍ଦ୍ର ମୁର୍ମୁ, ଏସିଇ କମର୍ସିଆଲ ଷ୍ଟିଭେଡୋର୍ସ ର ପରିଚାଳନା ନିର୍ଦ୍ଦେଶକ ଅକ୍ଷୟ କୁମାର ସୁତାର ଓ ଟଙ୍କଧର ମହାପାତ୍ର ପ୍ରମୁଖ ପ୍ରଦୀପ ପ୍ରଜ୍ବଳନ କରି ଉତ୍ସବର ଶୁଭ ଉଦଘାଟନ କରିଥିଲେ l ଜଗନ୍ନାଥ ଭଜନ ପରେ ସମସ୍ତ ପୁରାତନ ଛାତ୍ରଛାତ୍ରୀ ନିଜର ଓ ପରିବାର ମଧ୍ୟରେ ଭାବର ଆଦାନ ପ୍ରଦାନ କରି ସ୍କୁଲ ଜୀବନରେ ଘଟିଥିବା ଅତୀତର ସ୍ମୃତିଚାରଣ କରିଥିଲେ l ଏହି ବନ୍ଧୁମିଳନରେ ନାଚ, ଗୀତ ସହିତ କବିତା ପାଠ ଓ ଅନେକ ମନୋରଞ୍ଜନ କାର୍ଯ୍ୟକ୍ରମ ପରିବେଷିତ ହୋଇଥିଲା l ଏହି କାର୍ଯ୍ୟକ୍ରମକୁ ଅକ୍ଷୟ ସୁତାର, ବିନୟ ପାତ୍ର, ପ୍ରକାଶ ମହାନ୍ତି, ଶରତ କୁମାର ସାମଲ ଓ ସନ୍ଦେଶ ସୁବୁଦ୍ଧି ପ୍ରମୁଖ ସଫଳତାର ସହ ପରିଚାଳନା କରିଥିଲେ l ଶେଷରେ ସମସ୍ତ ବନ୍ଧୁ, ବାନ୍ଧବୀ ଏବଂ ସେମାନଙ୍କ ପରିବାର ନୈଶ୍ୟ ଭୋଜିରେ ଯୋଗ ଦେଇଥିଲେ l
