୨୫୦୦ କଣ୍ଠ ଶିଳ୍ପୀ ଙ୍କ ଜନ୍ମଦାତା ମେଘମହ୍ଲାର ର ୫ମ ବାର୍ଷିକ ଉତ୍ସବ : ଜାଗୃତି ଙ୍କ ଗୀତରେ ଝୁମିଲେ ଦର୍ଶକ ।
Alok Kumar Mohapatra | 13 Dec 2025 | 6 min read | 15 views
ପାରାଦ୍ୱୀପ ( ପି.ଏନ. ଏସ ) : ପାରାଦ୍ଵୀପ ର ଅଗ୍ରଣୀ ସାଂସ୍କୃତିକ ଅନୁଷ୍ଠାନ ମେଘ ମହ୍ଲାର କଳା ପରିଷଦ ର ୫ମ ବାର୍ଷିକ ଉତ୍ସବ ଜୟଦେବ ସଦନ ନିକଟସ୍ଥ ପଡିଆରେ ଶୁକ୍ରବାର ସନ୍ଧ୍ୟାରେ ଅନୁଷ୍ଠିତ ହୋଇଯାଇଛି । ମେଘ ମହ୍ଲାର କଳା ପରିଷଦ ଅନୁଷ୍ଠାନ ୨୫୦୦ କଣ୍ଠଶିଳ୍ପୀ ଙ୍କୁ ତିଆରି କରିବା ସହିତ ତାର ସାଂସ୍କୃତିକ କାର୍ଯ୍ୟକ୍ରମ ଜାରି ରଖିଛି । ତେବେ ଆୟୋଜିତ ଏହି ସାଂସ୍କୃତିକ କାର୍ଯ୍ୟକ୍ରମର ଶୀତୁଆ ସନ୍ଧ୍ୟାରେ ଓଲିଉଡ କଣ୍ଠଶିଳ୍ପୀ ଜାଗୃତୀଙ୍କ ସଙ୍ଗୀତ ଜଲୱାରେ ଖୁମିଥିଲେ ଦର୍ଶକ l ଉକ୍ତ କାର୍ଯ୍ୟକ୍ରମ ରେ ମୂଖ୍ୟ ଅତିଥି ଭାବେ ପାରାଦ୍ଵୀପ ପୌର ପରିଷଦ ଅଧ୍ୟକ୍ଷ ବସନ୍ତ ବିଶ୍ଵାଳ, ସମ୍ମାନିତ ଅତିଥି ଭାବେ ପାରାଦ୍ଵୀପ ବନ୍ଦର ପ୍ରାଧିକରଣ ବରିଷ୍ଠ ଏଇଏମ ବିଶ୍ୱଜିତ ମିଶ୍ର, ମୂଖ୍ୟ କଣ୍ଠଶିଳ୍ପୀ ଜାଗୃତି ମିଶ୍ର, ଇଫକୋ ଡେପୁଟି ମ୍ୟାନେଜର ଅଜିତ କୁମାର ଜେନା, ପାରିଷଦ ଅଜିତ ଷଡ଼ଙ୍ଗୀ, ମୁଖ୍ୟ କର୍ମକର୍ତ୍ତା ଅନିଲକାନ୍ତ ଆଚାର୍ଯ୍ୟଙ୍କ ସମେତ ପ୍ରଫୁଲ୍ଲ କୁମାର ପ୍ରଧାନ,ରଶ୍ମି ରଞ୍ଜନ ଖଟୁଆ, ସୁବାସ ଚନ୍ଦ୍ର ଦାସ ପ୍ରମୁଖ ଅଂଶ ଗ୍ରହଣ କରିଥିଲେ । ମେଘ ମହ୍ଲାର କଳା ପରିଷଦ ର ଗୁରୁ ଶ୍ରୀ ବିଜୟ କୁମାର ମାଛୁଆ ଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଅନୁଷ୍ଠିତ କାର୍ଯ୍ୟକ୍ରମରେ ଶତାଧିକ ଦର୍ଶକ ବିଭୋର ହୋଇଥିଲେ । ଏହା ସହ ଅନୁଷ୍ଠାନ ର କଳାକାର ମାନଙ୍କ ଦ୍ବାରା ଓଡିଶୀ ଗୀତ ଗାୟନ,ତବଲା ପରିବେଷଣ, ଓଡ଼ିଶୀ ନୃତ୍ୟ,ଭଜନ,ସାଂସ୍କୃତିକ ସଭା ଓ ଅନୁଷ୍ଠାନର ଛାତ୍ର ଛାତ୍ରୀ ମାନଙ୍କ ଦ୍ବାରା ନାଚ,ଗୀତ ଆଦି ପରିବେଷଣ କରାଯାଇଛି । ଏନେଇ ମେଘ ମହ୍ଲାର କଳାପରିଷଦ ମୂଖ୍ୟ ସଙ୍ଗୀତ ଗୁରୁ ବିଜୟ କୁମାର ମାଛୁଆ ସମସ୍ତ ଅତିଥି ଓ ଦର୍ଶକ ଙ୍କୁ ଧନ୍ୟବାଦ ଜଣାଇଛନ୍ତି ।
