ବିଦ୍ୟୁତ ବିଭାଗ ର ଉପକରଣ ଚୋରି ଘଟଣା ରେ ଦୁଇ ଜଣଙ୍କୁ ଗିରଫ କଲା ପୋଲିସ ।
pragyansila bureau | 10 Dec 2025 | 4 min read | 11 views
ନାଉଗାଁ ( ପି.ଏନ. ଏସ ) : ଜଗତସିଂହପୁର ଜିଲ୍ଲା ନାଉଗାଁ ବିଦ୍ୟୁତ ବିଭାଗ ର ଉପକରଣ ଓ ତାର ଚୋରି ଘଟଣା ରେ ଦୁଇ ଅଭିଯୁକ୍ତ ଗିରଫ,ସାମ୍ବାଦିକ ସମ୍ମିଳନୀ ଜରିଆରେ ସୂଚନା ଦେଲେ ଏସଡିପିଓ l ସୂଚନା ଯୋଗ୍ୟ ଯେ ଗତ 7 ତାରିଖ ରେ ନାଉଗାଁ ଟିପିସିଓଡିଏଲ ବିଦ୍ୟୁତ ବିଭାଗ ର ଅତିରିକ୍ତ ସେକ୍ସନ ଇନଚାର୍ଜ ଶୁଭମ ମହାନ୍ତି ଙ୍କ ଅଭିଯୋଗ କ୍ରମେ କୁଣ୍ଡେଶ୍ୱର ନିକଟରେ ଥିବା ଟ୍ରାନ୍ସଫରମର ର କିଛି ବୈଦୁତିକ ଉପକରଣ ଓ ବିଦ୍ୟୁତ ତାର ଚୋରି ହୋଇ ଥିବା ନେଇ ଏକ ଲିଖିତ ଅଭିଯୋଗ ନାଉଗାଁ ପୋଲିସ ଷ୍ଟେସନ ରେ କରିଥିଲେ l ପୋଲିସ ଉକ୍ତ ଅଭିଯୋଗ ଆଧାର ରେ ଗୋଟେ କେଶ୍ ଦାୟର କରି ଘଟଣା ର ତଦନ୍ତ କରିବା ପରେ ଦୁଇ ଅଭିଯୁକ୍ତଙ୍କୁ ଗିରଫ କରିଛି | ଦୁଇ ଜଣ ହେଲେ କୁଣ୍ଡେଶ୍ୱର ଗ୍ରାମର ରମେଶ କାଣ୍ଡି ଙ୍କ ପୁଅ ବିଶ୍ଵକର୍ମା କାଣ୍ଡି ଓ ଅନ୍ୟଜଣେ ଉକ୍ତ ଗ୍ରାମର ଜଣେ ନାବାଳକ କୁ ପୋଲିସ ଗିରଫ କରିବା ସହିତ ଚୋରି ଯାଇଥିବା ସାମଗ୍ରୀ, ନଗଦ 4100 ଟଙ୍କା ଓ ଚୋରି ରେ ବ୍ୟବହୃତ ଉପକରଣ କୁ ମଧ୍ୟ ପୋଲିସ ଜବତ କରିଥିବା କୁ ନେଇ ସାମ୍ବାଦିକ ସମ୍ମିଳନୀ ରେ ସୂଚନା ଦେଇଛନ୍ତି ଜଗତସିଂହପୁର ଏସଡିପିଓ ଆଞ୍ଜିକ୍ୟ ମାଣେ ।
