ମୁଖ୍ୟ ପୃଷ୍ଟ। / odisha / jagatsinghpur

ପାରାଦ୍ୱୀପ ( ପି.ଏନ. ଏସ ) : ଦିର୍ଘ ବର୍ଷ ହେଲା ଗ୍ରାମରେ ଲୋ ଭୋଲଟେଜ ସମସ୍ୟା ଯୋଗୁଁ ଲୋକେ ହନ୍ତସନ୍ତ ହେଉଥିଲେ। ବିଦ୍ୟୁତ୍ ଅଫିସ କୁ ବାରମ୍ବାର ଦୈାଡି ଦୈାଡି ଗ୍ରାମରେ ଏକ ନୂତନ ଟ୍ରାନ୍ସଫରମର ଲଗାଯାଇ ସମସ୍ତ କାର୍ଯ୍ୟ ସରିଥିଲା। ରାତି ପାହି ଥିଲେ ହୋଇଥାନ୍ତା ବିଦ୍ୟୁତ୍ ସଂଯୋଗ। ମାତ୍ର ରାତିରେ ବିଦ୍ୟୁତ୍ ବିଭାଗ କର୍ମଚାରୀ ଶେଷ ପର୍ଯ୍ୟାୟ ଯାଞ୍ଚ୍ କରିବାକୁ ଆସି ଦେଖିଲେ କେବଳ ଟ୍ରାନ୍ସଫରମର କୁ ଛାଡି ସମସ୍ତ ଜିନିଷ ଚୋରି ହୋଇଯାଇଛି। ଗ୍ରାମବାସୀ ଓ ବିଦ୍ୟୁତ୍ କର୍ମଚାରୀ ସଙ୍ଗେ ସଙ୍ଗେ ପାରାଦ୍ଵୀପ ଲକ୍ ଥାନା କୁ ଖବର ଦେଇଥିଲେ। ଘଟଣାସ୍ଥଳରେ ପୋଲିସ ଯାଞ୍ଚ୍ କରିବା ସହିତ ଏକ ଗୁହାଳ ଘରୁ ସମସ୍ତ ବିଦ୍ୟୁତ୍ ସରଞ୍ଜାମ କୁ ଜବତ କରିଥିଲା । ଏହି ଘଟଣାରେ ଚୋରି କରିଥିବା ଯୁବକ ସେକ୍ ଫିରୋଜ କୁ ଗିରଫ କରିଛି ଲକ୍ ଥାନା ପୋଲିସ। ପାରାଦ୍ଵୀପ ଗଡ଼ ଚୂନ ଛକ ମୁସଲିମ ପଡ଼ାରେ ଘଟିଛି ଏଭଳି ଏକ ଅଭାବନୀୟ ଘଟଣା । ଚୋରି ସାମଗ୍ରୀ ର ଆନୁମାନିକ ମୁଲ୍ୟ ଦେଢ଼ ଲକ୍ଷ ଟଙ୍କାରୁ ଉର୍ଦ୍ଧ୍ଵ ବୋଲି ସୂଚନା ମିଳିଛି। ଏହି ଘଟଣାକୁ ନେଇ ଗ୍ରାମରେ ଉତ୍ତେଜନା ଦେଖାଦେଇଥିବା ବେଳେ ପୋଲିସ ଚୋରି କରିଥିବା ଯୁବକ କୁ ଗିରଫ କରି ଥାନାକୁ ଆଣିବା ସହିତ ଲୋକମାନଙ୍କୁ ବୁଝାସୁଝା କରିଛି।