ପାରାଦ୍ଵୀପ କେନ୍ଦ୍ରୀୟ ବିଦ୍ୟାଳୟରେ ଜେଜେବାପା ଓ ଜେଜେମା ଦିବସ ପାଳିତ ।
Alok Kumar Mohapatra | 06 Dec 2025 | 6 min read | 15 views
ପାରାଦ୍ୱୀପ ( ପି.ଏନ. ଏସ ) : ପାରାଦ୍ଵୀପ କେନ୍ଦ୍ରୀୟ ବିଦ୍ୟାଳୟ ଠାରେ ପ୍ରାଥମିକ ବିଭାଗର ଛାତ୍ରଛାତ୍ରୀମାନଙ୍କ ଦ୍ଵାରା ଜେଜେବାପା ଜେଜେମା ଦିବସ ଶନିବାର ଦିନ ପାଳିତ ହୋଇଯାଇଛି । ସକାଳ ୮ ଘଟିକା ରୁ ୧୧ ଘଟିକା ପର୍ଯ୍ୟନ୍ତ ଚାଲିଥିବା ଏହି ଉତ୍ସବରେ ୩୦୦ ରୁ ଅଧିକ ଜେଜେବାପା, ଜେଜେମା, ଅଜା, ଆଇ ଆଦି ଯୋଗ ଦେଇ ଛାତ୍ରଛାତ୍ରୀମାନଙ୍କୁ ଆଶୀର୍ବାଦ ପ୍ରଦାନ କରିଥିଲେ । ଏହି କାର୍ଯ୍ୟକ୍ରମରେ ପାରାଦ୍ଵୀପ କଲେଜର ବରିଷ୍ଠ ଇଂରାଜୀ ଅଧ୍ୟାପକ ଗଣେଶ୍ୱର ପାତ୍ର ମୁଖ୍ୟ ଅତିଥି ଭାବରେ ଯୋଗଦେଇ ଛାତ୍ରଛାତ୍ରୀମାନଙ୍କୁ ଜେଜେବାପା ଓ ଜେଜେମା ମାନଙ୍କୁ ଉଚିତ୍ ସମ୍ମାନ ଦେବା ତଥା ସେମାନଙ୍କର ଅବଦାନକୁ ସାରା ଜୀବନ ମନେ ରଖିବା ପାଇଁ ପରାମର୍ଶ ଦେଇଥିଲେ। ବିଦ୍ୟାଳୟର ପ୍ରାଚାର୍ଯ୍ୟ ପଙ୍କଜ ବାର୍ଷ୍ନେୟ ଛାତ୍ରଛାତ୍ରୀମାନଙ୍କ ଜୀବନରେ ଏହି ବରିଷ୍ଠ ଅଭିଭାବକ ମାନଙ୍କର ଗୁରୁତ୍ଵ ବର୍ଣ୍ଣନା କରିବା ସହ ପିଲାମାନଙ୍କ ପ୍ରତି ସେମାନଙ୍କର ଭଲପାଇବା ପାଇଁ କୃତଜ୍ଞତା ଜ୍ଞାପନ କରିଥିଲେ । ବିଦ୍ୟାଳୟର ଛାତ୍ରଛାତ୍ରୀମାନଙ୍କ ଦ୍ଵାରା ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ସହ ଜେଜେବାପା ଜେଜେମା ମାନଙ୍କ ପାଇଁ ଦୁଇଟି କ୍ରୀଡା ପ୍ରତିଯୋଗିତା ଆୟୋଜନ କରାଯାଇଥିଲା । ଏହି କାର୍ଯ୍ୟକ୍ରମକୁ ବିଦ୍ୟାଳୟର ପ୍ରଧାନ ଶିକ୍ଷକ ସୁବ୍ରଜିତ ନାୟକ, ରାଜେନ୍ଦ୍ର ମିଶ୍ର, ଶିବାନନ୍ଦ ନାହକ, ସାକ୍ଷୀ ଶର୍ମା ପରିଚାଳନା କରିଥିଲେ । ଏଥିରେ ବିଦ୍ୟାଳୟର ଅଜୟ କୁମାର ପଣ୍ଡା, ଇତିଶ୍ରୀ ଦାସ, ବିକ୍ରମ ପ୍ରଧାନ, ସ୍ୱାଗତିକା ସାହୁ ତଥା ଅନ୍ୟ ଶିକ୍ଷକ ଶିକ୍ଷୟତ୍ରୀମାନେ ସହଯୋଗ କରିଥିଲେ ।
