ମୁଖ୍ୟ ପୃଷ୍ଟ। / odisha / jagatsinghpur

ପାରାଦ୍ୱୀପ ( ପି.ଏନ. ଏସ ) : ପିପିଏଲ ସାର କାରଖାନା ରେ ଜଣେ ଯୁବକଙ୍କ ମୃତ୍ୟୁ ଘଟିଛି । ଉକ୍ତ ଯୁବକ ଏକ ଠିକା ସଂସ୍ଥା ଅଧୀନରେ ଜିପସମ ପ୍ଲଟର ସୁପରଭାଇଜର କାର୍ଯ୍ୟ କରୁଥିବା ରଙ୍ଗିଆଗଡ ର ରମେଶ ଲେଙ୍କା । ତାଙ୍କ ମୃତ୍ୟୁକୁ ନେଇ ପିପିଏଲ ଗେଟ୍ ସମ୍ମୁଖରେ ପରିବାର ପକ୍ଷରୁ ଧାରଣା ଦିଆଯାଇଥିଲା । ଫଳରେ ପିପିଏଲ କାରଖାନା ଭିତରକୁ ଯିବା ଆସିବା ସମ୍ପୁର୍ଣ୍ଣ ଠପ୍ ହୋଇଯାଇଥିଲା । ଧାରଣା ହୋଇଥିବା ପର୍ଯ୍ୟନ୍ତ ମୃତ୍ୟୁ ର କାରଣ ସ୍ପଷ୍ଟ ଜଣାପଡି ନଥିବା ବେଳେ ରମେଶ ଡିୟୁଟି ପାଇଁ ଆସିଥିବା ବେଳେ ଜିପସମ ପ୍ଲଟ ରେ କାମ କରୁଥିଲେ । ମାତ୍ର ବିଳମ୍ବିତ ରାତିରେ ଠିକା ସଂସ୍ଥା ପକ୍ଷରୁ ରମେଶ ଙ୍କ ପରିବାର କୁ ଫୋନ୍ ଆସିଥିଲା, ତୁରନ୍ତ କଟକ ଆସ ରମେଶ ର ଅପରେସନ ହେବ ବୋଲି। ପରିବାର ଲୋକେ ମେଡିକାଲ ରେ ପହଞ୍ଚିବା ବେଳକୁ ରମେଶ ଙ୍କ ମୃତ୍ୟୁ ହୋଇଥିବା ଦେଖିଥିଲେ। ରମେଶ ଙ୍କ ମୁଣ୍ଡରେ ଗଭୀର ଆଘାତ ଲାଗିଥିବା ପରିବାର ଲୋକେ ଦେଖିଥିଲେ। ଫଳରେ ପରିବାର ଲୋକେ ରମେଶ ଙ୍କ ମୃତଦେହ କୁ ଆଣି କ୍ଷତିପୂରଣ ଦାବିରେ ପିପିଏଲ ଗେଟ୍ ସମ୍ମୁଖରେ ଧାରଣା ଦେଇଥିଲେ। ଯେଉଁଥିପାଇଁ ପିପିଏଲ କାରଖାନା ଭିତରକୁ କିମ୍ବା କାରଖାନାରୁ ବାହାରକୁ କେହି ଯିବା ଆସିବା କରିପାରୁନଥିଲେ। ଘଟଣାସ୍ଥଳରେ ପାରାଦ୍ଵୀପ ଅତିରିକ୍ତ ଏସପି ପହଞ୍ଚି ପରିବାର ଲୋକଙ୍କ ସହିତ ଆଲୋଚନା କରିଥିଲେ।