ନାଉଗାଁ ବ୍ଳକ ଚକୁଳି ପଡା ଗ୍ରାମରେ ଭୟାବହ ଅଗ୍ନିକାଣ୍ଡ ୬ ବଖରା ଘର ସଂପୂର୍ଣ୍ଣ ଭସ୍ମୀଭୂତ ।
pragyansila bureau | 02 Dec 2025 | 4 min read | 11 views
ନାଉଗାଁ ( ପି.ଏନ. ଏସ ) : ଜଗତସିଂହପୁର ଜିଲ୍ଲା ନାଉଗାଁ ବ୍ଳକ ଅନ୍ତର୍ଗତ ଜାମୁ ଗାଁ ପଜ୍ଞାୟତର ଚକୁଳିପଡା ଗ୍ରାମରେ ଗତକାଲି ବିଳମ୍ବିତ ରାତିରେ ଭୟାବହ ଅଗ୍ନିକାଣ୍ଡ ଘଟିଥିବା ସୁଚନା । ସୂଚନା ମୁତାବକ ଗତକାଲି ବିଳମ୍ବିତ ରାତିରେ ଚକୁଳି ପଡା ଗ୍ରାମର ସଚିତ୍ରା ନନ୍ଦ ରାଉତରାୟ ଙ୍କ ଗୁହାଳ ଘର ଜଳୁଥିବାର ପଡିଶା ଘରର ଜଣେ ବ୍ୟକ୍ତି ରାତିରେ ଉଠିଥିବା ବେଳେ ଦେଖିବାକୁ ପାଇଥିଲେ।ସେ ସଙ୍ଗେ ସଙ୍ଗେ ଗ୍ରାମବାସୀ ମାନଙ୍କୁ ଡାକିବା ସହିତ ନାଉଗାଁ ଅଗ୍ନିଶମ ବିଭାଗକୁ ସୁଚନା ଦେଇଥିଲେ । ଅଗ୍ନିଶମ ବାହିନୀ ଏବଂ ଗ୍ରାମବାସୀ ଘଟଣାସ୍ଥଳରେ ପହଂଚି ନିଆଁକୁ ଆୟତ୍ତ କରିଥିଲେ ମଧ୍ୟ ସଚିତ୍ରା ନନ୍ଦ ରାଉତରାୟ, ଏବଂ ପ୍ରଦିପ୍ତ ସାମନ୍ତରାୟ ଙ୍କ ୬ ବଖରା ଘର ସମେତ ସମସ୍ତ ଆସବାବପତ୍ର ଏବଂ ଗୋଟିଏ ବାଛୁରୀ ପୋଡି ପାଉଁଶ ହୋଇଯାଇଥିଲା । ଖବରପାଇ ଆଜି ସକାଳୁ ନାଉଗାଁ ତହସିଲଦାର ଅକ୍ଷୟ କୁମାର ବଡୁ ଏବଂ ଜାମୁ ଗାଁ ଆରାଇ ଘଟଣାସ୍ଥଳରେ ପହଂଚି ପଲିଥିନ ଏବଂ କିଛି ଆର୍ଥିକ ସାହାଯ୍ୟ କରିଥିବା ଦେଖାଯାଇଛି ।
(ରିପୋର୍ଟର - ବୈଷ୍ଣବ ରାଉଳ)
(ରିପୋର୍ଟର - ବୈଷ୍ଣବ ରାଉଳ)
