ମୁଖ୍ୟ ପୃଷ୍ଟ। / odisha / jagatsinghpur

ପାରାଦ୍ୱୀପ ( ପି.ଏନ. ଏସ ) : ପାରାଦୀପ ବଡ଼ପଡ଼ିଆ ମା ଶାରଳାଙ୍କ ମନ୍ଦିର ରେ ସ୍ୱସ୍ତିକ ସ୍ୱରାଜ ଅଫିସିଆଲ ର ପ୍ରଥମ ଜଗନ୍ନାଥ ଙ୍କ ଭଜନ ହେ କଳାଠାକୁର, ତୁମ ଜଗତ କୁ ତୁମେ ଉଦ୍ଧାର କର ଉନ୍ମୋଚନ ହୋଇଯାଇଛି l ପ୍ରକୃତି ର ବିପର୍ଯୟ ଓ କରାଳ ରୂପକୁ ନେଇ ପ୍ରସ୍ତୁତ ଏହି ଭଜନ ଟିକୁ ଓଡ଼ିଶାର ସୁନାମଧନ୍ୟ ସଙ୍ଗୀତ ନିର୍ଦେଶକ ଏସ ଚନ୍ଦ୍ରକାନ୍ତ ସଙ୍ଗୀତ ନିର୍ଦେଶନା ଦେଇଥିବା ବେଳେ ଗୀତ ଲେଖିଛନ୍ତି ଜଣାଶୁଣା ଗୀତିକାର ବବୃ ବାହନ ରାଉତ ଏବଂ ଗୀତଟିକୁ ପରିକଳ୍ପନା ର ରୂପ ଦେଇଛନ୍ତି ବିରଜା ପ୍ରସାଦ ତ୍ରିପାଠୀ l କୁନି କଳାକାର ସ୍ୱସ୍ତିକ ସ୍ୱରାଜ ଏହି ଜଗନ୍ନାଥ ଙ୍କ ଭଜନ କୁ ଅତି ଉଚ୍ଚକୋଟୀର ଭାବରେ ଗାଇଛନ୍ତି, ଯାହାକୁ ନେଇ ହେ କଳାଠାକୁର ଭଜନ ଉନ୍ମୋଚନ ଉତ୍ସବ ରେ ଉପସ୍ଥିତ ଅତିଥି ମାନେ ମନ୍ତ୍ରମୁଗ୍ଧ ହୋଇପଡିଥିବା ବେଳେ କୁନି କଣ୍ଠଶିଳ୍ପୀ ସ୍ୱସ୍ତିକ ସ୍ୱରାଜ ଙ୍କ ଉତ୍ତୋରାତ୍ତର ଉନ୍ନତି ପାଇଁ ମା ଶାରଳାଙ୍କ ପୀଠରେ ମନାସିଛନ୍ତି l ପାରାଦୀପ ଅଭୟଚାନ୍ଦପୁର ଥାନାର ଭାରପ୍ରାପ୍ତ ଅଧିକାରୀ ସମୀର କୁମାର ରାଉତ ଏବଂ ସନ୍ଧ୍ୟାରାଣୀ ରାଉତ ଙ୍କ ସୁପୁତ୍ର ହେଉଛନ୍ତି ସ୍ୱସ୍ତିକ ସ୍ୱରାଜ l ବଣମଲ୍ଲୀ ବାସିଲା ଭଳି ପିଲାଟି ଦିନରୁ ସ୍ୱସ୍ତିକ ସ୍ୱରାଜ ଙ୍କ ସଙ୍ଗୀତ ପ୍ରତି ଦୁର୍ବଳତା ଓ ପ୍ରତ୍ୟେକ ଗୀତ ଶୁଣି ଗାଇବାକୁ ଦେଖି ପୁଅର ଗୀତ ପ୍ରତି ଧ୍ୟାନ ଦେଇଥିଲେ ଶ୍ରୀ ରାଉତ l ଯାହା ଆଜି ସଫଳ ହୋଇଛି l ଅନେକ ମଞ୍ଚ ରେ ସ୍ୱସ୍ତିକ ଙ୍କ ଚମତ୍କାର ସଙ୍ଗୀତ ପରିବେଷଣ ଦର୍ଶକ ମହଲ ରେ ବେଶ ଆଦୃତ ହୋଇଥିବା ବେଳେ ସୋସିଆଲ ମିଡିଆରେ ମଧ୍ୟ ସ୍ୱସ୍ତିକ ଙ୍କ ଗୀତ କୁ ବହୁ ପ୍ରଶଂସା ମିଳିଛି l ଯାହା ଆଜି ସାକାର ହେବା ସହିତ ସ୍ୱସ୍ତିକ ସ୍ୱରାଜ ଅଫିସିଆଲ ରେ ଏହି କୁନି କଣ୍ଠଶିଳ୍ପୀ ଙ୍କ ଭଜନ ହେ କଳାଠାକୁର ଓଡିଶା ର ଶ୍ରୋତା ମହଲରେ ପ୍ରଶଂସା ସାଉଁଟିବ ବୋଲି ପ୍ରଯୋଜନା ସଂସ୍ଥା ଆଶା ରଖିଛନ୍ତି l ଆଜିର ଏହି ଉନ୍ମୋଚନ ଉତ୍ସବ ରେ ସଙ୍ଗୀତ ନିର୍ଦେଶକ ଏସ ଚନ୍ଦ୍ରକାନ୍ତ, ବିରଜା ପ୍ରସାଦ ତ୍ରିପାଠୀ ଙ୍କ ସହିତ ପାରାଦୀପ ର ଜଣାଶୁଣା ବ୍ୟବସାୟୀ କ୍ଷୀରୋଦ କୁମାର ସ୍ୱାଇଁ, ବରିଷ୍ଠ ସାମ୍ବାଦିକ ଶଶାଙ୍କ ଶେଖର ଆଚାର୍ଯ୍ୟ, ବିବେକାନନ୍ଦ ରାଉତ, ରବୀନ୍ଦ୍ର ଜେନା, ଆଲୋକ ମହାପାତ୍ର, ପ୍ରଶାନ୍ତ ସ୍ୱାଇଁ, ସନ୍ତୋଷ ଭାରତୀ, ସଂଗ୍ରାମ ରାଉତ ଙ୍କ ସହିତ ପାରାଦୀପ ର ଜଣାଶୁଣା ବ୍ୟବସାୟୀ ଓ ଆଦିଦେବ ଏଣ୍ଟରଟେନମେଣ୍ଟ ର ସଦସ୍ୟ ମାନେ ଉପସ୍ଥିତ ରହିଥିଲେ l