ମୁଖ୍ୟ ପୃଷ୍ଟ। / odisha / jagatsinghpur

ପାରାଦ୍ୱୀପ ( ପି.ଏନ. ଏସ ) : ପାରାଦୀପ ବନ୍ଦର ପ୍ରାଧିକରଣ ଓ ଜଗନ୍ନାଥ ଲଳିତ କଳା ସଂସଦ ମିଳିତ ଆନୁକୂଲ୍ୟରେ ବନ୍ଦର ସାଂସ୍କୃତିକ ମହୋତ୍ସବ ୨୦୨୫ ଶୁକ୍ରବାର ସନ୍ଧ୍ୟାରେ ଉଦଘାଟିତ ହୋଇଯାଇଛି। ଏହି ଅବସରରେ ପାରାଦୀପ ବନ୍ଦର ନିର୍ମାଣ ବିଭାଗ ଦ୍ଵାରା 'ଯେତିକି ଆଲୁଅ,ସେତିକି ଅନ୍ଧାର' ନାଟକ ପରିବେଷଣ କରାଯାଇଥିଲା। ଏହି ନାଟକରେ ଦୁଇ ଭାଇଙ୍କ ମଧ୍ୟରେ ଚମତ୍କାର କାହାଣୀ ସହିତ କଳାକାର ମାନଙ୍କ ସୁନ୍ଦର ଅଭିନୟ ଦର୍ଶକ ମାନଙ୍କ ମନକୁ ଛୁଇଁ ପାରିଥିଲା । ଏହି ନାଟକର ପ୍ରଦୋଷ ମହାନ୍ତି ନାଟ୍ୟରୁପ ଓ ନିର୍ଦ୍ଦେଶନା ଦେଇଛନ୍ତି ଦିଲ୍ଲୀପ ବଳବନ୍ତରାୟ, ସହ ନିର୍ଦ୍ଦେଶକ ରତ୍ନାକର ସାହୁ। ଜୟଦେବ ସଦନରେ ମଞ୍ଚସ୍ଥ ନାଟକରେ କାଳୀ ପ୍ରସାଦ ମିଶ୍ର ମଞ୍ଚ ପରିଚାଳନା କରିଥିବା ବେଳେ ପ୍ରତାପ ରୁଦ୍ର ବିଶ୍ଵାଳ ସଙ୍ଗୀତ ନିର୍ଦ୍ଦେଶନା ଦେଇଥିଲେ। ଉକ୍ତ ନାଟକରେ ବନ୍ଦର ନିର୍ମାଣ ବିଭାଗ କର୍ମଚାରୀ ମାନଙ୍କ ନିଖୁଣ ଅଭିନୟ ଦର୍ଶକଙ୍କୁ ବେଶ୍ ଆକର୍ଷିତ କରିଥିବାର ଦେଖିବାକୁ ମିଳିଥିଲା l