ବସ୍ତାରେ ଗଞ୍ଜେଇ ନେଲା ବେଳେ ମାଡ଼ିବସିଲେ ଅବକାରୀ ବିଭାଗ ଅଧିକାରୀ ।
pragyansila bureau | 27 Nov 2025 | 6 min read | 10 views
ପାରାଦ୍ୱୀପ ( ପି.ଏନ. ଏସ ) : ଚାଲିଥିଲା ବସ୍ତା ବୁହା ଗଞ୍ଜେଇ କାରବାର, ମୁଣ୍ଡରେ ବସ୍ତା ବସ୍ତା ଗଞ୍ଜେଇ ନେଇ ଏ ଦୋକାନ ରୁ ସେ ଦୋକାନ କୁ ଗଞ୍ଜେଇ ଯୋଗାଉଥିବା ବେପାରୀ ସହିତ ବିପୁଳ ପରିମାଣ ର ଗଞ୍ଜେଇ ଜବତ କରିଛି ପାରାଦୀପ ଅବକାରୀ ବିଭାଗ l ଜଗତସିଂହପୁର ଜିଲ୍ଲାପାଳ ଜେ ସୋନାଲ ଙ୍କ ନିର୍ଦେଶକ୍ରମେ ଜଗତସିଂହପୁର ଜିଲ୍ଲାରେ ନିଶା ଉପରେ ଚାଲିଛି ଜୋରଦାର ଧରପଗଡ଼ l ଆଜି ସକାଳୁ ପାରାଦ୍ଵୀପ ଅବକାରୀ ଇନ୍ସପେକ୍ଟର ପ୍ରଶାନ୍ତ କୁମାର ମହାନ୍ତି ଙ୍କ ନେତୃତ୍ୱ ରେ କୁଜଙ୍ଗ ଅଞ୍ଚଳ ରେ ପେଟ୍ରୋଲିଙ୍ଗ କରୁଥିବା ସମୟରେ କୁଜଙ୍ଗ ପନ୍ଦର ନମ୍ବର ନିକଟରେ ଜଣେ ଯୁବକ ବସ୍ତା ମୁଣ୍ଡେଇ ଯାଉଥିବା ଦେଖି ଅବକାରୀ ଇନ୍ସପେକ୍ଟର ଙ୍କ ସନ୍ଦେହ ସୃଷ୍ଟି ହୋଇଥିଲା l ଉକ୍ତ ଯୁବକ କୁ ଅଟକାଇ ପଚରା ଉଚରା କରିବାରୁ ବସ୍ତାରେ ଗଞ୍ଜେଇ ଥିବା ଜାଣିବା ପରେ ବେପାରୀ ସହିତ 17 କିଲୋରୁ ଉର୍ଧ୍ୱ ଲକ୍ଷାଧିକ ଟଙ୍କାର ଗଞ୍ଜେଇ ଜବତ କରିଛି କୁଜଙ୍ଗ ଅବକାରୀ ବିଭାଗ l ଏହି ଗଞ୍ଜେଇ ବେପାରର ଚେର କୋରଫୁଟ ରୁ ପାରାଦ୍ଵୀପ ଅଞ୍ଚଳ କୁ ବ୍ୟାପିଥିବା ନେଇ ସନ୍ଦେହ କରିଛି ଅବକାରୀ ବିଭାଗ l ଯାହାକୁ ନେଇ ତଦନ୍ତ ଆରମ୍ଭ କରିଥିବା ବେଳେ ଉକ୍ତ ବ୍ୟବସାୟୀ ଜଣକ କୁଜଙ୍ଗ ରୁ ପାରାଦୀପ ଗଞ୍ଜେଇ ନେଇ ଆସୁଥିବା କହିଛନ୍ତି ପାରାଦୀପ ଅବକାରୀ ଅଧିକାରୀ l ବିଭିନ୍ନ ସମୟରେ ବ୍ରାଉନ ସୁଗାର ଜବତ କରୁଥିବା ବେଳେ ବିପୁଳ ପରିମାଣ ର ଗଞ୍ଜେଇ ଜବତ କରିବା ଏହା ପ୍ରଥମ ଘଟଣା ବୋଲି କହିବା ସହିତ ଏହି ଚୋରା ଗଞ୍ଜେଇ ବ୍ୟବସାୟରେ ଉକ୍ତ ଯୁବକ ସହିତ କେଉଁମାନେ ସଂଶ୍ଲିଷ୍ଟ ଅଛନ୍ତି ଓ କେଉଁଠୁ କେବେଠାରୁ ଏହି ବେପାର ଚାଲିଛି ତାହାକୁ ନେଇ ତଦନ୍ତ ପରେ ସ୍ପଷ୍ଟ ହେବ ବୋଲି କହିଛନ୍ତି ପାରାଦ୍ଵୀପ ଅବକାରୀ ଅଧିକାରୀ ପ୍ରଶାନ୍ତ କୁମାର ମହାନ୍ତି l
