ମୁଖ୍ୟ ପୃଷ୍ଟ। / odisha / jagatsinghpur

ପାରାଦ୍ୱୀପ ( ପି.ଏନ. ଏସ ) : ପୋଷା କୁକୁର ଘରେ ପଶିଯିବାରୁ ଜଣେ ୮ ବର୍ଷର ଶିଶୁକୁ ନିର୍ମମ ମାଡ଼। ଗଛରୁ ଡାଳ ଭାଙ୍ଗି ବାଡେଇଲେ ପରିବାର ଲୋକ। ମାଡ଼ରେ ନାବାଳକ ର ଦେହସାରା ନୋଳା ଫାଟି ରକ୍ତ ବାହାରୁଥିବା ଦେଖିବାକୁ ମିଳିଛି। ଏଭଳି ଏକ ହୃଦୟ ବିଦାରକ ଘଟଣା ଘଟିଛି ପାରାଦ୍ଵୀପ ଅଭୟଚାନ୍ଦପୁର ଥାନା ଅଧିନ ରଙ୍ଗିଆଗଡର ରାମଚଣ୍ଡୀ ପଡ଼ାରେ। ଏ ସମ୍ପର୍କରେ ନାବାଳକର ମା ଅଭୟଚାନ୍ଦପୁର ଥାନା ରେ ଏତଲା ଦେଇଛନ୍ତି। ଅଭିଯୋଗ ମୁତାବକ ରଙ୍ଗିଆଗଡ ରେ ରହୁଥିବା କିନ୍ନର ରାଧା ସ୍ବାଇଁ ଙ୍କ ଏକ ପୋଷା କୁକୁର ସକାଳୁ ଫିଟି ଯାଇ ଗ୍ରାମର ଅରୁଣ ନାମକ ଜଣଙ୍କ ଘରେ ପଶିଯାଇଥିଲା। ରାଧାଙ୍କ ପାଳିତ ପୁତ୍ର ଅରୁଣଙ୍କ ଘରୁ କୁକୁର କୁ ଆଣିବା ସମୟରେ ଅରୁଣ ଓ ତାଙ୍କ ପରିବାର ନାବାଳକ କୁ ଗଛରୁ ଏକ ବାଡ଼ି ଭାଙ୍ଗି ନିର୍ମମ ଭାବରେ ପିଟିଥିଲେ । ଏଥିରେ ନାବାଳକ ଜଣଙ୍କ ଗୁରୁତର ଆହତ ହୋଇଥିବା ଦେଖିବାକୁ ମିଳିଛି । ତାଙ୍କର ପିଠି, ଗୋଡ ଓ ହାତରେ ନୋଳା ଫାଟି ରକ୍ତ ବାହାରୁଥିବା ବେଳେ ଘଟଣାକୁ ନେଇ ଗ୍ରାମର ମୁଖିଆ ଙ୍କୁ ଜଣାଇବା ପରେ ସନ୍ଧ୍ୟାରେ ଘଟଣାର ସମାଧାନ ପାଇଁ ପ୍ରୟାସ କରାଯାଇଥିଲା । ମାତ୍ର ଅରୁଣ ଙ୍କ ପରିବାର ଏହାକୁ ପ୍ରତ୍ୟାଖ୍ୟାନ କରିଥିଲେ। ଫଳରେ ରାଧା କିନ୍ନର ଅଭୟଚାନ୍ଦପୁର ଥାନା ର ଦ୍ବାରସ୍ଥ ହୋଇଛନ୍ତି। ପୋଲିସ ଘଟଣାର ତଦନ୍ତ ଆରମ୍ଭ କରିଥିବା ବେଳେ ଜଣେ ୮ ବର୍ଷର ଶିଶୁକୁ ଏଭଳି ଅମାନୁଷିକ ଭାବେ ମାଡ଼ ମାରିଥିବା ବ୍ୟକ୍ତିଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ରାଧା ସ୍ବାଇଁ ଦାବୀ କରିଛନ୍ତି ।