ମୁଖ୍ୟ ପୃଷ୍ଟ। / odisha / jagatsinghpur

Paradeep ( ପି.ଏନ. ଏସ ) : ପାରାଦ୍ୱୀପ ବନ୍ଦର ପିଆଇସିଟି ବର୍ଥ ରେ ଏକ ଜାହାଜ ରେ ଲୁହା ପ୍ଲେଟ ଲୋଡିଂ ସମୟରେ ଘଟିଛି ଅଘଟଣ। ଲୋଡିଂ କ୍ରେନ୍ ର ତାର ଛିଡି ଯିବାରୁ ଲୁହା ପ୍ଲେଟ ତଳକୁ ଖସିପଡିଥିଲା। ସୈାଭାଗ୍ୟ ବସତଃ ଏହା ବର୍ଥ ଉପରେ ଛିଡି ଥିଲେ ମଧ୍ୟ ତଳେ ଥିବା ୨୫ ରୁ ଉର୍ଦ୍ଧ୍ୱ ଶ୍ରମିକ ଅଳ୍ପକେ ବର୍ତ୍ତି ଯାଇଥିଲେ। ଯଦି ଏହି ଲୁହା ପ୍ଲେଟ ଟି ଜାହାଜ ଉପରେ ଛିଡ଼ି ପଡିଥାନ୍ତା ତେବେ ଜାହାଜର ମଧ୍ୟ ପ୍ରଭୁତ କ୍ଷତି ହୋଇଥାନ୍ତା। ପାରାଦ୍ଵୀପ ବନ୍ଦର ର ପିଆଇସିଟି ବର୍ଥ ରେ ଏହିଭଳି ଘଟଣା ବାରମ୍ବାର ଘଟୁଥିଲେ ମଧ୍ୟ ଏହାର କୈାଣସି ପ୍ରତିକାର କରାଯାଉନଥିବାରୁ ସାଧାରଣରେ ଶ୍ରମିକ ମାନଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି। ପିଆଇସିଟି କତ୍ତୃପକ୍ଷ କ୍ରେନ ଗୁଡ଼ିକର ସଠିକ ମରାମତି ଏବଂ ରକ୍ଷଣାବେକ୍ଷଣ କରୁନଥିବାରୁ ଏଭଳି ଅଘଟଣ ଘଟୁଛି । ସପ୍ତାହ କୁ ଥରେ ପ୍ରତ୍ୟେକ କ୍ରେନ କୁ ଗ୍ରିସିଂ କରାଯିବା ସହିତ କ୍ରେନ ର ତାର ଓ ପୁଲି ଗୁଡିକ। ଯାଞ୍ଚ୍ କରାଯିବା କଥା। ମାତ୍ର କମ୍ପାନୀ କତ୍ତୃପକ୍ଷ ଙ୍କ ଲାଭଖୋର ମନୋବୃତ୍ତି ଯୋଗୁଁ ଏହାର ରକ୍ଷଣାବେକ୍ଷଣ କରାନଯାଇ ଶ୍ରମିକ ମାନଙ୍କ ଜୀବନକୁ ବାଜି ଲଗାଉଛନ୍ତି ବୋଲି କିଛି ଶ୍ରମିକ ସୂଚନା ଦେଇଛନ୍ତି।